Viðskipti innlent

Guðbjörg Heiða tekur við Verði

Tryggvi Páll Tryggvason skrifar
Guðbjörg Heiða Guðmundsdóttir er nýr forstjóri Varðar.
Guðbjörg Heiða Guðmundsdóttir er nýr forstjóri Varðar. Aðsend

Guðbjörg Heiða Guðmundsdóttir hefur verið ráðin í starf forstjóra tryggingafélagsins Varðar.

Þetta kemur fram í tilkynningu frá Arion banka.

Þar segir að Guðbjörg hafi starfað hjá Marel frá árinu 2011, síðast sem framkvæmdastjóri fiskiðnaðar og framkvæmdastjóri Marel á Íslandi. Áður leiddi Guðbjörg vöruþróunarteymi Marel á Íslandi og í Bretland.

Gert er ráð fyrir að Guðbjörg taki við þann 1. apríl næstkomandi og mun Guðmundur Jóhann Jónsson, sem sagði starfi sínu lausu í október eftir 16 ár í stóli forstjóra, sinna starfinu þangað til.

„Það er mikill fengur að fá Guðbjörgu til liðs við okkur. Vörður og Arion banki eru á sameiginlegri vegferð sem felur í sér mikil tækifæri til þjónustu- og vöruþróunar viðskiptavinum beggja félaga til góða. Guðbjörg býr yfir víðtækri reynslu af stjórnun, rekstri og vöruþróun sem mun nýtast vel á þessari vegferð,“ er haft eftir Benedikt Olgeirssyni, stjórnarformanni Varðar um ráðninguna.


Tengdar fréttir

Guð­mundur hættir sem for­stjóri Varðar

Guðmundur Jóhann Jónsson hefur tilkynnt stjórn félagsins að hann hyggist láta af störfum hjá félaginu á næstu mánuðum. Guðmundur hefur verið forstjóri Varðar í rúm sextán ár. 





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×