Viðskipti innlent

Ráðinn markaðs­stjóri ný­sköpunar­fyrir­tækisins Justikal

Atli Ísleifsson skrifar
Sölvi Rúnar Pétursson.
Sölvi Rúnar Pétursson. Aðsend

Sölvi Rúnar Pétursson hefur verið ráðinn markaðsstjóri nýsköpunarfyrirtækisins Justikal. 

Í tilkynningu segir að helstu verkefni Sölva verði að stýra markaðsstarfi félagsins á innlendum og erlendum mörkuðum. Justikal tryggði sér nýlega fjármögnun frá Eyri Vexti til að sækja á erlenda markaði, en félagið hefur þróað stafrænt réttarkerfi sem gerir aðilum í dómsmálum kleift að meðhöndla gögn á öruggan og rekjanlegan hátt.

Sölvi hefur víðtæka reynslu af markaðsmálum og hefur sinnt markaðsmálum fyrir fjölda fyrirtækja, hérlendis og erlendis á síðustu árum. Síðastliðin rúm 4 ár starfaði Sölvi hjá auglýsingastofunni ENNEMM. Áður starfaði hann í Kaupmannahöfn fyrir DigitasLBi Nordics, Evendo og Lessor A/S.

Sölvi lauk MS gráðu í viðskiptafræði með áherslu á markaðsfræði og alþjóðaviðskipti frá Háskóla Íslands og BSc gráðu í viðskiptafræði frá Háskóla Íslands, þar að auki hefur hann lokið námi í stafrænni markaðssetningu frá Duke Háskólanum í Bandaríkjunum,“ segir í tilkynningunni.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.