Rafíþróttir

Tilþrifin: ADHD tekur út tvo með einu skoti

Hjörtur Leó Guðjónsson skrifar
ADHD sýndi frábær tilþrif í liði SAGA.
ADHD sýndi frábær tilþrif í liði SAGA.

Vísir birtir Elko tilþrif kvöldsins úr Ljósleiðaradeildinni í CS:GO eftir hvern keppnisdag í allan vetur. Í þetta sinn er það ADHD í liði SAGA sem á heiðurinn af tilþrifum kvöldsins.

SAGA og Þór mættust í eina leik kvöldsins þegar ellefta umferð Ljósleiðaradeildarinnar hófst í gær. Dusty og Viðstöðu áttu einnig að mætast, en Dusty gat ekki mætt til leiks og Viðstöðu var því dæmdur sigur.

SAGA er í baráttu um miðja deild, en Þórsarar gátu komið sér upp að hlið toppliðanna tveggja, Dusty og Atlantic Esports, með sigri.

Þrátt fyrir það að Þórsarar væru taldir sigurstranglegri fyrir leikinn gáfu liðsmenn SAGA ekkert eftir. Liðið náði að knýja fram framlengingu, en þar voru það Þórsarar sem reyndust sterkari og niðurstaðan því sigur Þórs, 19-17.

ADHD sýndi einnig frábær tilþrif í liði SAGA þegar hann tók út tvo liðsmenn Þórs með einu skoti er SAGA leiddi 13-10, en tilþrifin má sjá í spilaranum hér fyrir neðan.

Klippa: Elko tilþrifin: ADHD tekur út tvo með einu skoti



Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.