Rafdrifni Lexus-inn sem á að taka við af LFA

Kristinn Ásgeir Gylfason skrifar 7. desember 2022 07:01

Lexus ætlar að smíða rafdrifinn frammistöðubíl sem mun taka við keflinu af hinum rómaða LFA. LFA er V10 bensín bíll. Nú hafa verið opinberaðar myndir af nýja rafsportbílnum.

„Bíllinn fangar fyrirætlanir fyrirtækisins sem eru að byggja rafbíla með alvöru frammistöðu ig aksturseiginleika,“ segir í tilkynningu frá Lexus.

Bíllinn á að komast úr kyrrstöðu í 100 km/klst á um tveimur sekúndum. Slíkt er á pari við Formúlu 1 bíl. Önnur tala sem Lexus gaf út í dag snýr að drægni bílsins, sem er um 700 km á hleðslunni.

„Tölurnar eru auðvitað mikilvægar en ég vill að þessu bíll sé viðmiðið fyrir framtíðar Lexus bíla þegar kemur að aksturseiginleikum og hvernig upplifun Lexus á að skilja eftir,“ sagði Koji Sato, yfirmaður Lexus.

Bíllinn verður líklega búinn stýrisbúnaði sem byggir á að stýrið er ekki tengt beint við hjólabúnaðinn heldur einungis í gegnum víratengingu (e steer-by-wire). Slíkt á að skila betri stýringu á lágum hraða og auknum stöðugleika á hraðbrautum.

Vistvænir bílar

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.