Jól

Engin jóla­t­ráa­sala við Landa­kot þetta árið

Ellen Geirsdóttir Håkansson skrifar
Margir munu eflaust sjá eftir jólatrjáasölunni þetta árið. 
Margir munu eflaust sjá eftir jólatrjáasölunni þetta árið.  Facebook/Jólatrjáasalan Landakot

Engin jólatrjáasala verður við Landakot þetta árið. Umsjónarmenn sölunnar segja verðbólgu og hækkandi kostnað vega þungt. 

Göngutúr að jólatrjáasölunni við Landakot er löngu orðinn að rótgrónum jólasið hjá íbúum í mið- og vesturbæ Reykjavíkurborgar ásamt fleirum. Því má ætla að aðrar jólahefðir verði að fylla í skarðið í ár þar sem jólatrjáasalan mun ekki standa á sínum hefðbundnu slóðum þetta árið. Þetta má sjá í færslu á Facebook síðu sölunnar. Erfið efnahagsstaða er sögð vera aðal ástæðan. 

„Okkur þykir leitt að tilkynna að það verður ekki opið hjá okkur neitt þetta árið. Ástandið er einfaldlega þannig með verðbólgu og hækkandi kostnaði allstaðar að við sjáum okkur ekki fært að halda þessu gangandi nú í ár,“ stendur í færslunni. 

Velunnurum jólatrjáasölunnar er þó bent á að styrkja Styrktarfélag krabbameinssjúkra barna en peningur frá jólatrjáasölunni hefur farið þangað ár hvert.  

Tilkynninguna má sjá hér að neðan.








Velkomin á Vísi. Þessi vefur notar vafrakökur. Sjá nánar.