Viðskipti innlent

Hefja á­ætlunar­flug til Var­sjár

Atli Ísleifsson skrifar
Áætlunarflug Play til Varsjár hefst í apríl næstkomandi.
Áætlunarflug Play til Varsjár hefst í apríl næstkomandi. Vísir/Vilhelm

Flugfélagið Play hyggst hefja sölu á miðum á áætlunarflugi til Varsjár, höfuðborgar Póllands í apríl.

Þetta kemur fram í tilkynningu frá félaginu þar sem segir að fyrsta flugið verði 3. apríl 2023. Flogið verður tvisvar í viku fram til loka októbers 2023.

Haft er eftir Birgi Jónssyni, forstjóra Play, að þetta sé spennandi skref, enda sé Varsjá borg sem lætur engan ósnortinn.

„Ég er sannfærður um að hún mun ekki aðeins höfða til þeirra rúmlega 20 þúsund Pólverja sem búa á Íslandi heldur einnig Íslendinga sjálfra. Þetta er fimmti nýi áfangastaðurinn sem við kynnum á skömmum tíma sem byggir undir metnaðarfullt leiðakerfi sem við munum bjóða upp á árið 2023,“ segir Birgir.

Play hefur á síðustu dögum tilkynnt að til standi að hefja áætlunarflug til Stokkhólms í Svíþjóð, Aþenu í Grikklandi og Hamborgar í Þýskalandi. 

Að sama skapi var greint frá því á vef Túrista í dag að Play muni gera sex vikna hlé á fluti til Stewart-flugvallar í New York-ríki eftir áramót. Segir Birgir í samtali við Túrista að það sé gert þegar eftirspurnin sé hvað veikust, auk þess að hátt olíuverð hafi einnig sitt að segja.


Tengdar fréttir

Play til Stokk­hólms og Ham­borgar

Flugfélagið Play hefur hafið miðasölu í flugferðir frá Keflavíkurflugvelli til Stokkhólms í Svíþjóð og Hamborgar í Þýskalandi. Forstjóri flugfélagsins hefur fulla trú á því að farþegar muni flykkjast til borganna. 





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.