B0ndi 30-bombaði og gott betur gegn Breiðabliki

Snorri Rafn Hallsson skrifar
bondi-2

Dusty stendur í harðri toppbaráttu í deildinni og þar sem Þórsarar töpuðu fyrr um kvöldið var Dusty eina liðið sem gat jafnað Atlantic að stigum á toppnum.

Wanker krækti í hnífalotuna fyrir Breiðablik sem hóf leikinn í vörn. Dusty hafði hins vegar betur í fyrstu tveimur lotunum en þar sem Blikarnir áttu ekki í miklum vandræðum með að aftengja sprengjurnar komst liðið fljótlega yfir í 5–3. Minnti upphaf leiksins því óneitanlega á leik Dusty á undanförnum tímabilum þar sem liðið gat verið lengi í gang gegn auðveldari andstæðingum. 

Fyrri hálfleikur var því afar jafn þar sem Breiðabliki tókst að skapa sér góð færi en B0ndi, StebbiC0C0 og EddezeNNN svöruðu af krafti.

Staðan í hálfleik: Dusty 8 – 7 Breiðablik

Allt annað var að sjá Dusty í síðari hálfleik þegar liðið var komið í vörn. Þreföld fella frá B0nda tryggði Dusty skammbyssulotuna sem EddezeNNN fylgdi eftir með ás í þeirri næstu. Leikmenn Breiðabliks gerðu sitt besta til að halda í við Dusty og tefja þá snemma í lotum en allt kom fyrir ekki.

EddezeNNN og B0ndi voru með langflestar fellur á meðan TH0R gerði ekki mikinn skaða með vappanum. Það gerði ekkert til því EddezeNNN og B0ndi báru liðið uppi með ótrúlegum og fjölmörgum fellum. Í 26. lotu rauf B0ndi 30-fellu múrinn og StebbiC0C0 rak smiðshöggið á sigurinn í þeirri næstu.

Lokastaða: Dusty 16 – 10 Breiðablik

Eftir leikinn er Dusty í öðru sæti deildarinnar með jafnmörg stig og Atlantic en einungis markatalan greinir liðin að á þessum tímapunkti.

Næstu leikir liðanna:

  • Viðstöðu – Dusty, þriðjudaginn 6/12, kl. 19:30
  • Ármann – Breiðablik, fimmtudaginn 8/12, kl. 20:30

Sýnt verður frá leikjunum á Stöð 2 Esport og á Twitch síðu Rafíþróttasamtaka Íslands.


Tengdar fréttir

EddezeNNN sýndi Þór í tvo heimana

Lengi hafði verið beðið eftir því að Þór og Dusty myndu etja kappi í Ljósleiðaradeildinni í CS:GO en liðin mættust í Dust 2 kortinu í gærkvöldi.

Leikirnir




    Velkomin á Vísi. Þessi vefur notar vafrakökur. Sjá nánar.