Viðskipti innlent

Ráðinn í starf fram­kvæmda­stjóra eigna­um­sýslu­sviðs Reita

Atli Ísleifsson skrifar
Jón Kolbeinn mun mæta til starfa hjá Reitum í upphafi ársins 2023.
Jón Kolbeinn mun mæta til starfa hjá Reitum í upphafi ársins 2023. Vísir/Rakel Ósk

Jón Kolbeinn Guðjónsson hefur verið ráðinn í starf framkvæmdastjóra Eignaumsýslusviðs Reita.

Þetta kemur fram í tilkynningu frá Reitum til Kauphallarinnar. 

„Jón Kolbeinn er byggingartæknifræðingur frá háskólanum í Aarhus og tók síðan M.Sc. í rekstrarverkfræði frá Háskólanum í Reykjavík árið 2013. 

Frá 2013 hefur Jón Kolbeinn starfað hjá ISAVIA, fyrst sem verkefnastjóri fjárfestingaverkefna, síðan sem verkefnastjóri viðskiptaþróunar og frá árinu 2019 hefur Jón Kolbeinn gegnt starfi deildarstjóra verkfræði- og framkvæmdadeildar ISAVIA. Sem slíkur hefur hann komið að flóknum framkvæmdaverkefnum, aðallega á Keflavíkurflugvelli, samningum við verktaka, samskiptum við leigutaka og rekstraraðila, komið að innleiðingu á verkferlum og verklagi og hefur hann víðtæka reynslu af opinberum innkaupum.

Jón Kolbeinn mun mæta til starfa hjá Reitum í upphafi ársins 2023,“ segir í tilkynningunni.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.