Viðskipti innlent

Jón Svan­berg Hjartar­son ráðinn fram­kvæmda­stjóri Neyðar­línunnar

Auður Ösp Guðmundsdóttir skrifar
Jón Svanberg mun hefja störf 1. janúar 2023.
Jón Svanberg mun hefja störf 1. janúar 2023.

Jón Svanberg Hjartarson hefur verið ráðinn framkvæmdastjóri Neyðarlínunnar ohf. og mun hann hefja störf 1. janúar 2023. Jón stundaði nám við Lögregluskólann 1993 - 1996 og er með MBA gráðu frá Háskóla Íslands frá 2018. Auk þess hefur Jón lokið stjórnunarnámi við Lögregluskólann og Endurmenntun HÍ ásamt námi í mannauðsstjórnun hjá Endurmenntun HÍ.

Árin 1993 - 2009 var Jón lögreglumaður og varðstjóri hjá Sýslumanninum á Ísafirði og lögreglunni á Vestfjörðum.  

Jón var framkvæmdastjóri Hvíldarkletts ehf. (síðar Iceland Pro-Fishing) 2009 - 2013, fyrirtækis í sjávartengdri ferðaþjónustu og framkvæmdastjóri Slysavarnafélagsins Landsbjargar 2013 - 2021. 

Jón er í dag fagstjóri aðgerðamála hjá Almannavarnadeild Ríkislögreglustjóra þar sem hann sinnir m.a. verkefnastjórn við framkvæmd stefnu stjórnvalda í almannavarna- og öryggismálum og hefur umsjón með Samhæfingar- og stjórnstöð almannavarna.

Þórhallur Ólafsson sem varð sjötugur á árinu, lætur af störfum hjá Neyðarlínunni um áramótin, en hann hefur verið framkvæmdastjóri fyrirtækisins frá árinu 1999 og leitt starfsemi og uppbyggingu 112 og Tetra kerfisins um land allt, en hann hlaut nýverið viðurkenningu frá viðbragðsaðilum í landinu fyrir frumkvöðlastarf í neyðarsímsvörun og uppbyggingu neyðar- og öryggisfjarskipta á Íslandi.


Tengdar fréttir





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×