Innlent

Stóraukið fylgi hjá Samfylkingunni

Sunna Sæmundsdóttir skrifar
Um er að ræða fyrstu könnun Maskínu á fylgi flokkanna eftir að Kristrún Frostadóttir tók við embætti Samfylkingarinnar.
Um er að ræða fyrstu könnun Maskínu á fylgi flokkanna eftir að Kristrún Frostadóttir tók við embætti Samfylkingarinnar. vísir/VIlhelm

Fylgi Samfylkingarinnar stóreykst á milli mánaða samkvæmt nýrri könnun Maskínu og mælist nú nítján prósent samanborið við fjórtán prósent í síðasta mánuði.

Um er að ræða fyrstu könnun Maskínu á fylgi flokkanna eftir formannsskipti í Samfylkingunni en Kristrún Frostadóttir tók við stjórnartaumunum í lok október.

Að öðru leyti eru ekki miklar breytingar á stöðu flokkanna. Fylgi Framsóknar stendur nokkurn veginn í stað og mælist tæp fimmtán prósent.

Fylgi Sjálfstæðisflokksins lækkar lítillega og er í tæpum tuttugu og tveimur prósentum. Þá er fylgi Vinstri grænna komið niður í sjö prósent, sem er það lægsta frá síðustu kosningum. 

Fylgi Pírata lækkar einnig lítillega niður í rúm þrettán prósent. Viðreisn mælist svipuð og er með níu prósenta fylgi.

Flokkur fólksins, Miðflokkur og Sósíalistar eru með um fimm prósenta fylgi samkvæmt könnuninni en fylgi síðastnefnda flokksins dalar um eitt og hálft prósent á milli kannana.

Könnun Maskínu fór fram dagana 4. til 22. nóvember og 2.483 tóku afstöðu.

Skoðanakannanir Alþingi Samfylkingin
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið