Innlent

„Þeir virðast vera bara með nóg af vopnum“

Lillý Valgerður Pétursdóttir skrifar
Margeir Sveinsson aðstoðaryfirlögregluþjónn segir tíu nú í gæsluvarðhaldi vegna málsins.
Margeir Sveinsson aðstoðaryfirlögregluþjónn segir tíu nú í gæsluvarðhaldi vegna málsins. Vísir/Vilhelm

Lögregla hefur lagt hald á töluvert af vopnum í tengslum við rannsókn á árásinni á skemmtistaðnum Bankastræti Club. Þar á meðal skotvopn. Aðstoðaryfirlögregluþjónn segir átökin undanfarna daga snúast um völd.

Tvö myndbönd af árásinni í síðustu viku á skemmtistaðnum Bankastræti Club hafa verið í dreifingu á samfélagsmiðlum. Þar sést hvernig hópur vopnaðra manna ræðst á og stingur þrjá menn um tvítugt. Um var að ræða einhvers konar uppgjör milli tveggja hópa en hótanir höfðu gengið á víxl þeirra á milli í aðdraganda árásarinnar. Í framhaldinu hafa hótanir og hefndarárásir verði gerðar en síðast í nótt var bensín- og reyksprengjum kastað að heimahúsum.

„Við erum með einhver sex tilvik þar sem þessum hótunum hefur verið fylgt eftir,“ segir Margeir Sveinsson aðstoðaryfirlögregluþjónn hjá Lögreglunni á höfuðborgarsvæðinu.

Dæmi séu þó um að fólk hafi veigrað sér við að tilkynna hótanir til lögreglu af ótta við gerendurna. Þrjátíu hafa verið handteknir í tengslum við árásina í Bankastræti Club og tíu eru núna í gæsluvarðhaldi vegna málsins. Þá hefur húsleit verið gerð á mörgum stöðum og lagt hald á nokkuð magn vopna.

„Þeir virðast vera bara með nóg af vopnum. Þá er ég að tala um barefli og það eru hnúajárn og það eru hnífar og svo skotvopn sem við erum að sjá líka.“

Árásarmennirnir eru margir í kringum tvítugt þó sumir séu eldri. Sá yngsti í haldi lögreglu er 17 ára. Margeir segir ungt fólk oftar tilbúið en áður að beita vopnum.

„Framkvæma bara því sem er hótað og láta verða af því.“

Líta á vopn sem einhvers konar varnartæki

Í sama streng tekur Úlfur Einarsson forstöðumaður Stuðla sem er meðferðarstöð ríkisins fyrir börn og unglinga frá 12 til 18 ára.

„Að það sé bara tiltölulega lítill munur að stinga einhvern svona, ef ég leyfi mér að segja kannski óábyrgt orðalag, svona pota kannski með hnífi í útlimi það sé kannski svo ekki mikið stórmál. Kannski sambærilegt við að slá til einhvers sem manni hefði fundist vera það eðlilega fyrir nokkrum árum síðan.“

Úlfur Einarsson forstöðumaður á Stuðlum segir þá sem starfa með ungmennum hafa á síðustu árum séð að sífellt fleiri börn ganga með vopn.Vísir/Egill

Úlfur segir fleiri börn og ungmenni ganga með vopn og starfsfólk Stuðla hafi oft fjarlægt vopn af börnum sem þangað koma. Vopnin séu að ýmsum toga eins og steikarhnífar og skrúfjárn. Börnin gefi þær skýringar að þeim finnist þau þurfa að ganga með vopn.

„Líta á þetta sem einhvers konar varnartæki. Það ganga allir með hnífa og þá verða þau að gera það líka.“

Erfitt sé að átta sig hvað skýri þessa breytingu.

„Þetta er allavega þróun sem ég held að við þurfum að taka alvarlega og reyna að skoða betur.“

Lögregla er enn að reyna að átta sig á ástæðum árásanna.

„Það held ég að megi alveg fullyrða að þetta snýst um völd og ef þú hefur völd þá fylgir því einhver ágóði. Það held ég að sé alveg klárt mál og það er þá til að mynda peningar sem að eru fengnir af sölu jafnvel á fíkniefnum eða ólöglegri starfsemi eða hvernig sem það er,“ segir Margeir.


Tengdar fréttir

Sá yngsti í haldi 17 ára og sá elsti 40 ára

Rannsókn lögreglunnar á höfuðborgarsvæðinu á stunguárásinni á Bankastræti club miðar vel og hefur verið í algjörum forgangi hjá embættinu frá því að málið kom upp. Tíu eru í haldi og er sá yngsti 17 ára og sá elsti 40 ára. Lögreglan rannsakar hvernig myndefni af árásinni rataði í fjölmiðla og hvort starfsmaður embættisins hafi átt hlut að máli.

Héraðs­sak­sóknari rann­sakar mynd­bands­lekann

„Þetta mál verður skoðað, það eru alveg hreinar línur,“ segir Ólafur Þór Hauksson héraðssaksóknari. Grunur leikur á að myndböndum af hnífaárásinni á Bankastræti Club á síðustu viku, hafi verið lekið úr gagnagrunni lögreglunnar. Í myndbandinu sést á tölvuskjá í tákn skráningakerfis lögreglunnar, Löke.

Bandaríkjamönnum ráðlagt að fara varlega í miðbæ Reykjavíkur

Bandaríska sendiráðið biður Bandaríkjamenn að fara varlega í miðbæ Reykjavíkur um helgina. Í tilkynningu sem sendiráðið birti á Facebook fyrr í dag eru ferðamenn beðnir um að forðast mannmergð og flýta sér í burtu ef þeir verða vitni að einhverju óeðlilegu.

Myndskeið sýnir bensínsprengju kastað í hús

Myndskeið gengur nú milli manna á samfélagsmiðlum þar sem einstaklingur sést kasta bensínsprengju á glugga fjölbýlisshúss. Talið er að um hefndaraðgerð sé að ræða sem tengist hnífaárásinni á Bankastræti Club síðastliðið fimmtudagskvöld.

Mynd­band sýnir hnífa­á­rásina á Bankastræti Club

Myndbönd úr öryggismyndavélum Bankastræti Club frá því að hnífstunguárás var framin þar á aðfaranótt föstudags eru í dreifingu. Þar má sjá að árásin tók ekki meira en mínútu frá því að fyrstu menn ruddust inn þar til allir voru búnir að hlaupa út. 

Stór­aukinn við­búnaður í mið­borginni um helgina

Lögregla verður með stóraukinn viðbúnað í miðborginni um helgina í kjölfar hnífstunguárásar á skemmtistað í síðustu viku og hótana sem hafa farið víða á samfélagsmiðlum í dag. Engu að síður efast lögreglan um sannleiksgildi hótananna.

Lög­regla man ekki eftir eins um­fangs­miklum á­tökum í undir­heimum

Að­stoðar­yfir­lög­reglu­þjónn segir það vel þekkt að hópar í undir­heimum hóti fjöl­skyldu­með­limum hver annars. Hann man þó ekki eftir eins um­fangs­miklum á­tökum og hafa myndast í kring um hnífs­tungu­á­rásina á Banka­stræti Club. Fjöl­skyldu­með­limir mannanna sem hafa verið hand­teknir grunaðir um á­rásina hafa sætt stöðugum hótunum og á­rásum síðan og ein­hverjir hafa flúið út á land vegna á­standsins.

Boðar stríð gegn skipu­lagðri brota­starf­semi

Dómsmálaráðherra boðar stríð gegn skipulagðri brotastarfsemi með átaki sem lögreglan ætlar að ráðast í á næstunni. Vel geti verið að stigin verði umdeild skref í því átaki, meðal annars varðandi vopnaburð lögreglumanna.

Um tuttugu grímu­klæddir menn réðust inn á klúbbinn

Lög­regla úti­lokar ekki að fleiri verði hand­teknir í dag í tengslum við al­var­lega hnífs­tungu­á­rás gegn þremur mönnum á skemmti­staðnum Banka­stræti Club í gær­kvöldi. Talið er að hátt í tuttugu grímu­klæddir menn hafi ráðist inn á staðinn.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.