EddezeNNN sýndi Þór í tvo heimana

Snorri Rafn Hallsson skrifar
eddi

Þór og Dusty hafa heygt harða baráttu á toppi deildarinnar og því spennandi að sjá hvort liðið hefði betur í þetta skiptið. Leikurinn hófst að vanda á hnífalotu sem Þór vann. Þar með fékk liðið að velja sér hlutverk í fyrri hálfleik og kaus að byrja í vörn.

EddezeNNN opnaði fyrstu lotuna með þrefaldri fellu sem opnaði leið Dusty á sprengjusvæði A þar sem Th0r og Detinate sáu um restina. EddezeNNN var tekinn út strax í upphafi næstu lotu en en StebbiC0C0 kom sprengjunni niður. Þriðja lotan féll einnig með Dusty en þá tóku Þórsarar við sér.

Þór vann sex lotur í röð en sú runa hófst á tveimur vel heppnuðum aftengingaraðgerðum. Minidegreez miðjunni vel með vappanum og Rean sá við Detinate sem sat á ási. J0n krækti svo í þriðju lotuna með þrefaldri fellu úr erfiðri stöðu og Þórsarar voru komnir yfir. Dusty þurfti að spara og á stuttum tíma var staðan orðin 6–3 fyrir Þór.

Undir lok hálfleiks tókst Dusty að koma sprengjunni fyrir á ný og vinna síðustu fjórar loturnar til að hafa betur í hálfleiknum. Helsta breytingin var að Dusty náði góðum opnunum sem komu þeim auðveldar inn á sprengjusvæðin. EddezeNNN skilaði mikilvægum fellum og greinilegt að þegar hann stendur sig vel er gengi Dusty mun betra.

Staða í hálfleik: Dusty 8 – 7 Þór

Framan af síðari hálfleik skiptust liðin á lotum og ultu úrslitin á því hvort Dusty tækist að aftengja sprengjuna eða ekki. Heilt á litið voru Dusty mun skipulagðari og betur undirbúnir en Þórsarar sem virtust á köflum nokkuð týndir. Um biðbik hálfleiksins fór Dusty vélin svo almennilega í gang.

Detinate var lipur á lengjunni þar sem hann sótti fellur hvað eftir annað en hann og Th0r léku báðir með vappa. Minidegreez átti ekki séns í þá. StebbiC0C0 felldi alla leikmenn Þórs einn síns liðs í 22. lotu og voru yfirburðir Dusty þá orðnir ljósir. Þórsarar virtust pirraðir og gerðu klaufaleg mistök fyrir vikið. Detinate innsiglaði sigurinn á glæsilegan hátt þar sem hann beitti skammbyssu til að fella síðustu tvo leikmenn Þórs í 26. lotu.

Lokastaða: Dusty 16 – 10 Þór

Eftir leikinn eru Dusty og Þór jöfn NÚ að stigum en liðin þrjú hafa öll unnið 7 af 9 leikjum á tímabilinu. Vegna innbyrðis viðureigna er NÚ í fyrsta sæti en þar á eftir kemur Dusty og svo Þór.

Hlé verður gert á Ljósleiðaradeildinni á meðan umspil fyrir Blast mótið fer fram. 

Næstu leikir liðanna:

  • Þór–LAVA, þriðjudaginn 29. nóv., kl: 20:30
  • Dusty–Breiðablik, fimmtudaginn 1. des., kl: 21:30

Sýnt verður frá leikjunum í beinni á Stöð 2 Esport og á Twitch síðu Rafíþróttasamtaka Íslands.


Tengdar fréttir

Tilþrifin: Dabbehhh tekur út þrjá fyrir toppliðið

Vísir birtir Elko tilþrif kvöldsins úr Ljósleiðaradeildinni í CS:GO eftir hvern keppnisdag í allan vetur. Í þetta sinn er það Dabbehhh í liði Þórs sem á heiðurinn af tilþrifum kvöldsins.

Leikirnir




    Velkomin á Vísi. Þessi vefur notar vafrakökur. Sjá nánar.