Nokkuð jafnræði var með liðunum í leik næturinnar og eftir fyrsta leikhluta höfðu heimamenn í Bucks aðeins tveggja stiga forskot. Liðið jók forskot sitt lítillega í öðrum leikhluta, en þegar liðin gengu inn í hálfleikshléið var staðan 59-51, Bucks í vil.
Svipaða sögu er að segja af síðari hálfleik, en þrátt fyrir jafnan leik náðu gestirnir ekki að brúa bilið og niðurstaðan varð átta stiga sigur Bucks, 123-115.
Giannis Antetokounmpo og Jrue Holiday fóru fyrir liði Bucks og skoruðu 34 stig hvor. Giannis skoraði 30 af 34 stigum sínum í síðari hálfleik og tók einnig 17 fráköst á meðan Holiday gaf 12 stoðsendingar.
Í liði gestanna frá Atlanta var Trae Young atkvæðamestur með 42 stig ásamt því að taka fimm fráköst og gefa sex stoðsendingar.
4-straight games of 30+ PTS and 12+ REB
— NBA (@NBA) October 30, 2022
Giannis is on a different level right now #PhantomCam🦌 pic.twitter.com/RHOWu3aykM
Úrslit næturinnar
Miami Heat 113-119 Sacramento Kings
Golden State Warriors 113-120 Charlotte Hornets
Indiana Pacers 125-116 Brooklyn Nets
Philadelphia 76ers 114-109 Chicago Bulls
Atlanta Hawks 115-123 Milwaukee Bucks
Oklahoma City Thunder 117-111 Dallas Mavericks
Memphis Grizzlies 123-124 Utah Jazz