Viðskipti innlent

Renata nýr fram­kvæmda­stjóri hjá Arctic Adventures

Atli Ísleifsson skrifar
Renata Blöndal.
Renata Blöndal. Aðsend

Renata Blöndal hefur verið ráðin til ferðaþjónustufyrirtækisins Arctic Adventures þar sem hún tekur við stöðu framkvæmdastjóra sölu- og þjónustu.

Í tilkynningu frá félaginu segir að Renata búi yfir tíu ára reynslu úr tæknigeiranum og komi til Arctic Adventures frá hugbúnaðarfyrirtækinu PayAnalytics þar sem hún hafi starfað sem framkvæmdastjóri markaðsmála. 

„Áður hefur Renata einnig starfað hjá CCP, Meniga, Landsbankanum og Krónunni þar sem hún bar meðal annars ábyrgð á Snjallverslun Krónunnar. Renata er með M.Sc. gráðu í Management Science and Engineering frá Columbia háskóla í New York og lauk B.Sc. í iðnaðarverkfræði frá Háskóla Íslands,“ segir í tilkynningunni. 

Arctic Adventures skipuleggur, selur og sér um framkvæmd ferða og afþreyingar og teygir sögu sína til ársins 1983. Um 200 manns starfa hjá fyrirtækinu, bæði á Íslandi og í Vilnius en fyrirtækið keypti nýverið tvö fyrirtæki sem sérhæfa sig í ferðum um Alaska og Kanada. 

Vistaskipti Ferðamennska á Íslandi


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið