Viðskipti innlent

Domino's kveður eftir kvar­t­öld í Kringlunni

Bjarki Sigurðsson skrifar
Domino's í Kringlunni hefur verið lokað.
Domino's í Kringlunni hefur verið lokað. Vísir/Vilhelm

Pizzakeðjan Domino‘s hefur lokað veitingastað sínum í Kringlunni. Staðnum var lokað í síðustu viku og kemur ekki til með að opna hann aftur þegar búið verður að breyta fyrirkomulaginu á Stjörnutorgi.

Veitingastaður Domino‘s á Stjörnutorgi í Kringlunni hefur verið á sínum stað í 25 ár. Viðskiptablaðið greindi frá því í dag að búið væri að loka staðnum.

Í samtali við fréttastofu segir Magnús Hafliðason, framkvæmdastjóri Domino's, að ákvörðun um að loka staðnum hafi verið tekin fyrir nokkru síðan. Hins vegar átti það ekki að gerast fyrr en um miðjan nóvember. Kringlan þurfti afnot af bakherbergi veitingastaðarins sem hýsti allt tölvukerfi staðarins. Því var ákveðið að loka staðnum fyrr. 

Starfsmenn útibúsins í Kringlunni eru með þeim vinsælustu hjá keðjunni. Magnús segir verslunarstjórann í Kringlunni, Nour Natan Ninir, vera með hæsta starfsaldur fyrirtækisins. Nour er þó ekki að yfirgefa Domino's heldur færist hann yfir í útibúið í Mjóddinni. Þar kemur hann til með að verða verslunarstjóri. 

Tilkynnt var í maí á síðasta ári að ráðist yrði í miklar framkvæmdir á þriðju hæð Kringlunnar þar sem Stjörnutorg er staðsett. Framkvæmdatíminn verður allt að tvö ár en þá mun vera komin ný mathöll, breytt Ævintýraland og svokallaður búbblublómaskáli.

Veitingastaðir Matur Tímamót Kringlan Reykjavík

Tengdar fréttir

Stjörnu­torg Kringlunnar mun færa sig um set

Til stendur að ráðast í miklar framkvæmdir á þriðju hæð Kringlunnar sem munu meðal annars skila sér í nýrri mathöll, breyttu Ævintýralandi og svokölluðum búbblublómaskála. Kostnaður er áætlaður um milljarður króna og framkvæmdatíminn um eitt og hált til tvö ár.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið