Ármann og Magnús ganga til liðs við Rexby

Bjarki Sigurðsson skrifar 24. október 2022 22:04

Magnús Skúlason og Ármann Kristjánsson eru nýir starfsmenn Rexby. Kyana Sue

Íslenska sprotafyrirtækið Rexby hefur ráðið Ármann Kristjánsson og Magnús Skúlason til sín. Ármann mun bera ábyrgð á notendaupplifun fyrirtækisins en Magnús við forritun.

Ármann kemur til Rexby frá TripAdvisor en þar starfaði hann sem aðstoðarframkvæmdastjóri notendaupplifunarsviðs. Þar á undan var hann einn af lykilstarfsmönnum íslenska sprotafyrirtækisins Bókun sem selt var til TripAdvisor árið 2018.

Magnús er tölvunarfræðingur að mennt og er með fimmtán ára reynslu í forritun. Hann hefur meðal annars starfað hjá íslenska fyrirtækinu Dohop.

„Rexby smíðar hugbúnað sem gerir ferðaáhrifavöldum kleift að selja ferðaráðgjöf. Í dag nýta ferðáhrifavaldar í yfir fimmtán löndum hugbúnaðinn til að svara þeim fyrirspurnum sem þau fá í hverjum mánuði frá sínum fylgjendum sem vilja ferðast eins og þau,“ segir í tilkynningu frá félaginu.

Rexby kláraði nýlega fjármögnun til að ýta undir frekari vöxt. Meðal núverandi hluthafa er bandaríski sjóðurinn Techstars og reynslumiklir englar í ferðaþjónustu og íslenska atvinnulífinu. Samhliða fjármögnun settist Jenne Pierce, fyrrum varaforseti Expedia, í ráðgjafaráð félagsins.

Vistaskipti Nýsköpun

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.