Viðskipti innlent

Úr ytra eftir­liti með Kviku banka í innra eftir­lit

Atli Ísleifsson skrifar
Ásta Leonhardsdóttir.
Ásta Leonhardsdóttir. Kvika banki

Ásta Leonhardsdóttir hefur verið ráðin í starf innri endurskoðanda Kviku banka hf. og hefur hún nú þegar hafið störf.

Í tilkynningu frá Kviku segir að Ásta hafi frá árinu 2012 starfað hjá Fjármálaeftirlitinu (nú Seðlabanka Íslands), sem fjárhagslegur ábyrgðarmaður með áhættuþáttum og fjárhag með kerfislega mikilvægum viðskiptabönkum. 

Undanfarin tvö ár hafi Ásta svo sinnt eftirliti með Kviku og þekki hún því bankann og innviði hans vel.

„Áður starfaði Ásta sem sérfræðingur á sviði greiðsluaðlögunar hjá Umboðsmanni skuldara og þar á undan starfaði hún hjá HugurAX og hjá VBS fjárfestingarbanka.

Ásta er með B.Sc. í viðskiptafræði frá HÍ og ML gráðu í lögfræði frá HR. Þá hefur hún lokið PMD Stjórnendanámi og APME í verkefnastjórnun með D vottun frá HR. Hún stundar ennfremur nám til SCR vottunar í sjálfbærni og loftslagsáhættu frá GARP Institute,“ segir í tilkynningunni.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×