Innlent

Kyrrðar­stund í Ólafs­fjarðar­kirkju vegna mann­drápsins

Kolbeinn Tumi Daðason skrifar
Stefanía Steinsdóttir er prestur á Ólafsfirði.
Stefanía Steinsdóttir er prestur á Ólafsfirði.

Kyrrðarstund er fyrirhuguð í Ólafsfjarðarkirkju klukkan 20 í kvöld. Tilefnið er sorglegur atburður í bænum í nótt þar sem karlmaður lést af stungusárum. Fjögur voru handtekin af lögreglu í nótt og er þess beðið hvort farið verði fram á gæsluvarðhald yfir einhverjum þeirra.

Á vef Ólafsfjarðarkirkju segir að kirkjan sé opin í dag. Öllum sé frjálst að koma, tendra á kerti og eiga stund í kyrrð. Kyrrðarstundin hefst klukkan 20.

„Sameinumst í kyrrð og bæn, tökum hvert utan um annað, tendrum ljós og látum kærleikann streyma til allra sem þurfa á því að halda nú um stundir.“

Séra Stefanía Steins leiðir stundina og Ave Sillaots leikur ljúfa og fallega tóna á orgelið. Aðilar úr viðbragðsteymi Rauðakrossins verða á staðnum og veita samtal ásamt sóknarpresti. Þá er minnt á hjálparsíma Rauða krossins 1717.


Tengdar fréttir

„Samfélagið harmi slegið“

Karlmaður var stunginn til bana í húsi á Ólafsfirði í nótt. Fjórir voru handteknir vegna málsins og njóta þeir allir réttarstöðu sakbornings á fyrstu stigum málsins. Bæjarstjóri Fjallabyggðar segir samfélagið harmi slegið.

Stunginn til bana á Ólafsfirði í nótt

Karlmaður var stunginn til bana í húsi á Ólafsfirði í nótt. Fjórir voru handteknir vegna málsins og hafa þeir allir réttarstöðu sakbornings á fyrstu stigum málsins. Enginn er eftirlýstur vegna málsins. Samkvæmt heimildum fréttastofu er hinn látni íslenskur karlmaður á fimmtugsaldri búsettur á Ólafsfirði.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.