Ísland langt á eftir þegar kemur að börnum fanga Fanndís Birna Logadóttir skrifar 3. október 2022 15:07 Ekki liggur fyrir hversu mörg börn á Íslandi eiga foreldra í fangelsi. Vísir/Vilhelm Umboðsmaður barna segir ljóst að börn sem eiga foreldra í fangelsum séu gleymdur hópur og ráðast þurfi í úrbætur til að bæta þeirra stöðu. Niðurstöður nýrra rannsókna benda til að Ísland sé langt á eftir hinum Norðurlöndunum í málaflokknum. Lilja Katrín Ólafsdóttir, nýútskrifaður lögfræðingur frá Háskóla Íslands, og Daníel Kári Guðjónsson, meistaranemi í afbrotafræði við Háskólann í Lundi, fengu styrk úr Nýsköpunarsjóði námsmanna síðastliðið vor til að rannsaka réttindi og stöðu barna sem eiga foreldra í fangelsi. Að því er kemur fram á heimasíðu Umboðsmanns barna verða niðurstöðurnar til grundvallar tillögum um aðgerðir til að bæta stöðu þessa hóps. „Ljóst er af niðurstöðum þessa verkefnis að börn sem eiga foreldra í fangelsum eru gleymdur hópur og það er von umboðsmanns barna að niðurstöður verkefnisins verði til þess að ráðist verði í þær úrbætur sem nauðsynlegar eru, til þess að tryggja þessum börnum nauðsynlegan stuðning og viðunandi aðstæður til heimsókna og umgengni við foreldra á meðan á afplánun stendur,“ segir í tilkynningu um málið. Takmörkuð upplýsingagjöf til barna Annars vegar var um að ræða úttekt Lilju Katrínar á íslenskri löggjöf og framkvæmd í samanburði við hin Norðurlöndin en þar kom í ljós að staða barna sem eigi foreldra í fangelsi væri hvað veikust á Íslandi, þó framkvæmd Norðurlandanna á sviði fullnustu refsinga væri um margt sambærileg. Þannig ættu börn fanga í öllum löndum, að Íslandi undanskildu, rétt á upplýsingum um fangelsun foreldris á aðgengilegu, barnvænu og auðskildu máli. Í Noregi, Svíþjóð, Danmörku og á Finnlandi væru fangelsismálastofnanir eða sjálfstæð samtök þeim tengd með vefsíður fyrir börn um málefni sem þau varði. Dæmi um sænska heimasíðu fyrir börn sem eiga fjölskyldumeðlimi í fangelsi. Þá væru öflug hagsmunasamtök til staðar í þeim löndum, þar sem börn geti nýtt sér ýmis konar stuðningsúrræði og hitt önnur börn í samskonar aðstæðum, en engin slík samtök eru starfandi hér á landi. Einnig séu reglur um fylgdaraðila barna í fangelsisheimsóknir strangari hér á landi sem hafi takmarkandi áhrif á rétt barna til að umgangast og þekkja foreldra sína. Í tillögum til úrbóta er lagt til að skipaður sé sérstakur barnafulltrúi innan fangelsanna til að veita börnum upplýsingar um réttindi þeirra og hagi foreldra en slíkir fulltrúar starfa í norskum, sænskum og dönskum fangelsum. Þá er vísað til þess að það sé markmið Fangelsismálastofnunar að draga úr endurkomutíðni fanga en viðhald og efling fjölskyldutengsla stuðli að lækkaðri endurkomutíðni. Mikilvægt sé að yfirvöld fangelsismála grípi til ráðstafana til að veita þeim atriðum tilhlýðilega athygli. Koma þurfi til móts við þarfir barna Hins vegar var um að ræða rannsókn Daníels Kára á reynslu og viðhorfum fanga sem eiga börn en athygli vekur að fjöldi þeirra er ekki kunnugur. Í júní 2022 hafi 169 einstaklingar verið vistaðir í fangelsi og líklega tugir barna tengdir þeim, að því er kemur fram í útdrætti rannsóknarinnar. Aðstæður fanga til að umgangast börn sín meðan fangelsisvist stendur séu ekki nægilega góðar yfir heildina litið en ábyrgð yfirvalda sé mikil þegar einstaklingur er sviptur frelsi með þeim hætti. Reyna þurfi eftir fremsta megni að koma til móts við þarfir barna undir þeim kringumstæðum. Refsing foreldra komi ekki síður niður á heill barna en samkvæmt rannsóknum upplifi börn sem eiga foreldri í fangelsi sorg, söknuð, skömm og brotið heimilislíf. Viðunandi aðstaða til heimsókna sé brýn til að draga úr aðskilnaði og kvíðanum sem fylgi. Þá sé nauðsynlegt að veita börnum aðstoð til að takast á við og vinna úr erfiðum og flóknum aðstæðum sem kunni að skapast. Niðurskurður og kröfur um hagræðingu hjá fangelsismálayfirvöldum hafi bæði komið niður á margvíslegri sérhæfðri aðstoð við fanga og tengsla þeirra við börn sín og maka. Ljóst sé að mikið verk sé að vinna til að bæta stöðu mála. Niðurstöðurnar verða kynntar á málþingi Umboðsmanns barna sem hófst klukkan 15 í Háskóla Íslands en hægt er að nálgast skýrsluna hér. Fangelsismál Börn og uppeldi Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Varaforsetaefni í bobba vegna hundsdráps og meints fundar með Kim Erlent Ótrúlegustu aðskotahlutir gera óskunda í dósatalningarvélum Innlent Katrín efst en Jón hrynur í nýrri könnun Innlent Hafa rukkað þá sem valda sinubruna um kostnað við útkall Innlent Ók á tvö hundruð með lögguna á hælunum Innlent Kolbeinn hafi strokið kynfæri stúlkunnar ítrekað Innlent Sólríkasta byrjun árs í Reykjavík í 77 ár Innlent Fjöldi verkfallsboðana á Keflavíkurflugvelli áhyggjuefni Innlent Forsetavaktin 2024: Hver verður sjöundi forseti lýðveldisins? Innlent Halla Hrund líka vinsæll annar kostur Innlent Fleiri fréttir Sigu niður í Gretti sterka og dældu úr honum sjó Ók á tvö hundruð með lögguna á hælunum Sólríkasta byrjun árs í Reykjavík í 77 ár Hafa rukkað þá sem valda sinubruna um kostnað við útkall Ótrúlegustu aðskotahlutir gera óskunda í dósatalningarvélum Fjöldi verkfallsboðana á Keflavíkurflugvelli áhyggjuefni Kosið um sameiningu Húna- og Skagabyggðar í júní Nýjustu skoðanakannanir, verkfallsaðgerðir á flugvellinum og týndur gaffall Halla Hrund líka vinsæll annar kostur Kolbeinn hafi strokið kynfæri stúlkunnar ítrekað Segja lýðræðis- og mannréttindabakslag staðreynd Ný sendiskrifstofa opnuð í Síerra Leóne Baldur segir niðurstöður nýjustu kannana vonbrigði Halla Hrund mælist með mest fylgi í nýrri könnun Maskínu Tilvísunum vegna skekkju á höfuðkúpu ungbarna fjölgað mikið Fréttaskýring Maríu Sigrúnar kemur út á mánudag Einar segir forsetaembættið um ekki neitt Svona gæti bensínstöðvarreiturinn við Ægisíðu litið út Ákærð fyrir að kæfa son sinn með kodda Börn lögð inn með kíghósta „Við reyndum eins og við gátum“ Framkvæmdanefnd fyrir Grindavík sett á laggirnar Sambærileg rúðubrot í Lækjargötu og á Skólavörðustíg Skipar framkvæmdanefnd um málefni Grindavíkur Spellvirkinn lætur til skarar skríða á ný Svona var Pallborðið með Höllu Hrund, Katrínu og Baldri Svandís boðar til blaðamannafundar Heyrist meira af kjaftæði um lyf en vísindalegum staðreyndum Sautján greinst með kíghósta og inflúensan enn að dreifa sér Vilja svör um möguleg „óþægileg hagsmunatengsl“ borgar og RÚV Sjá meira
Lilja Katrín Ólafsdóttir, nýútskrifaður lögfræðingur frá Háskóla Íslands, og Daníel Kári Guðjónsson, meistaranemi í afbrotafræði við Háskólann í Lundi, fengu styrk úr Nýsköpunarsjóði námsmanna síðastliðið vor til að rannsaka réttindi og stöðu barna sem eiga foreldra í fangelsi. Að því er kemur fram á heimasíðu Umboðsmanns barna verða niðurstöðurnar til grundvallar tillögum um aðgerðir til að bæta stöðu þessa hóps. „Ljóst er af niðurstöðum þessa verkefnis að börn sem eiga foreldra í fangelsum eru gleymdur hópur og það er von umboðsmanns barna að niðurstöður verkefnisins verði til þess að ráðist verði í þær úrbætur sem nauðsynlegar eru, til þess að tryggja þessum börnum nauðsynlegan stuðning og viðunandi aðstæður til heimsókna og umgengni við foreldra á meðan á afplánun stendur,“ segir í tilkynningu um málið. Takmörkuð upplýsingagjöf til barna Annars vegar var um að ræða úttekt Lilju Katrínar á íslenskri löggjöf og framkvæmd í samanburði við hin Norðurlöndin en þar kom í ljós að staða barna sem eigi foreldra í fangelsi væri hvað veikust á Íslandi, þó framkvæmd Norðurlandanna á sviði fullnustu refsinga væri um margt sambærileg. Þannig ættu börn fanga í öllum löndum, að Íslandi undanskildu, rétt á upplýsingum um fangelsun foreldris á aðgengilegu, barnvænu og auðskildu máli. Í Noregi, Svíþjóð, Danmörku og á Finnlandi væru fangelsismálastofnanir eða sjálfstæð samtök þeim tengd með vefsíður fyrir börn um málefni sem þau varði. Dæmi um sænska heimasíðu fyrir börn sem eiga fjölskyldumeðlimi í fangelsi. Þá væru öflug hagsmunasamtök til staðar í þeim löndum, þar sem börn geti nýtt sér ýmis konar stuðningsúrræði og hitt önnur börn í samskonar aðstæðum, en engin slík samtök eru starfandi hér á landi. Einnig séu reglur um fylgdaraðila barna í fangelsisheimsóknir strangari hér á landi sem hafi takmarkandi áhrif á rétt barna til að umgangast og þekkja foreldra sína. Í tillögum til úrbóta er lagt til að skipaður sé sérstakur barnafulltrúi innan fangelsanna til að veita börnum upplýsingar um réttindi þeirra og hagi foreldra en slíkir fulltrúar starfa í norskum, sænskum og dönskum fangelsum. Þá er vísað til þess að það sé markmið Fangelsismálastofnunar að draga úr endurkomutíðni fanga en viðhald og efling fjölskyldutengsla stuðli að lækkaðri endurkomutíðni. Mikilvægt sé að yfirvöld fangelsismála grípi til ráðstafana til að veita þeim atriðum tilhlýðilega athygli. Koma þurfi til móts við þarfir barna Hins vegar var um að ræða rannsókn Daníels Kára á reynslu og viðhorfum fanga sem eiga börn en athygli vekur að fjöldi þeirra er ekki kunnugur. Í júní 2022 hafi 169 einstaklingar verið vistaðir í fangelsi og líklega tugir barna tengdir þeim, að því er kemur fram í útdrætti rannsóknarinnar. Aðstæður fanga til að umgangast börn sín meðan fangelsisvist stendur séu ekki nægilega góðar yfir heildina litið en ábyrgð yfirvalda sé mikil þegar einstaklingur er sviptur frelsi með þeim hætti. Reyna þurfi eftir fremsta megni að koma til móts við þarfir barna undir þeim kringumstæðum. Refsing foreldra komi ekki síður niður á heill barna en samkvæmt rannsóknum upplifi börn sem eiga foreldri í fangelsi sorg, söknuð, skömm og brotið heimilislíf. Viðunandi aðstaða til heimsókna sé brýn til að draga úr aðskilnaði og kvíðanum sem fylgi. Þá sé nauðsynlegt að veita börnum aðstoð til að takast á við og vinna úr erfiðum og flóknum aðstæðum sem kunni að skapast. Niðurskurður og kröfur um hagræðingu hjá fangelsismálayfirvöldum hafi bæði komið niður á margvíslegri sérhæfðri aðstoð við fanga og tengsla þeirra við börn sín og maka. Ljóst sé að mikið verk sé að vinna til að bæta stöðu mála. Niðurstöðurnar verða kynntar á málþingi Umboðsmanns barna sem hófst klukkan 15 í Háskóla Íslands en hægt er að nálgast skýrsluna hér.
Fangelsismál Börn og uppeldi Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Varaforsetaefni í bobba vegna hundsdráps og meints fundar með Kim Erlent Ótrúlegustu aðskotahlutir gera óskunda í dósatalningarvélum Innlent Katrín efst en Jón hrynur í nýrri könnun Innlent Hafa rukkað þá sem valda sinubruna um kostnað við útkall Innlent Ók á tvö hundruð með lögguna á hælunum Innlent Kolbeinn hafi strokið kynfæri stúlkunnar ítrekað Innlent Sólríkasta byrjun árs í Reykjavík í 77 ár Innlent Fjöldi verkfallsboðana á Keflavíkurflugvelli áhyggjuefni Innlent Forsetavaktin 2024: Hver verður sjöundi forseti lýðveldisins? Innlent Halla Hrund líka vinsæll annar kostur Innlent Fleiri fréttir Sigu niður í Gretti sterka og dældu úr honum sjó Ók á tvö hundruð með lögguna á hælunum Sólríkasta byrjun árs í Reykjavík í 77 ár Hafa rukkað þá sem valda sinubruna um kostnað við útkall Ótrúlegustu aðskotahlutir gera óskunda í dósatalningarvélum Fjöldi verkfallsboðana á Keflavíkurflugvelli áhyggjuefni Kosið um sameiningu Húna- og Skagabyggðar í júní Nýjustu skoðanakannanir, verkfallsaðgerðir á flugvellinum og týndur gaffall Halla Hrund líka vinsæll annar kostur Kolbeinn hafi strokið kynfæri stúlkunnar ítrekað Segja lýðræðis- og mannréttindabakslag staðreynd Ný sendiskrifstofa opnuð í Síerra Leóne Baldur segir niðurstöður nýjustu kannana vonbrigði Halla Hrund mælist með mest fylgi í nýrri könnun Maskínu Tilvísunum vegna skekkju á höfuðkúpu ungbarna fjölgað mikið Fréttaskýring Maríu Sigrúnar kemur út á mánudag Einar segir forsetaembættið um ekki neitt Svona gæti bensínstöðvarreiturinn við Ægisíðu litið út Ákærð fyrir að kæfa son sinn með kodda Börn lögð inn með kíghósta „Við reyndum eins og við gátum“ Framkvæmdanefnd fyrir Grindavík sett á laggirnar Sambærileg rúðubrot í Lækjargötu og á Skólavörðustíg Skipar framkvæmdanefnd um málefni Grindavíkur Spellvirkinn lætur til skarar skríða á ný Svona var Pallborðið með Höllu Hrund, Katrínu og Baldri Svandís boðar til blaðamannafundar Heyrist meira af kjaftæði um lyf en vísindalegum staðreyndum Sautján greinst með kíghósta og inflúensan enn að dreifa sér Vilja svör um möguleg „óþægileg hagsmunatengsl“ borgar og RÚV Sjá meira