Viðskipti innlent

Ráðin nýr rit­stjóri Vikunnar

Atli Ísleifsson skrifar
Guðrún Óla Jónsdóttir.
Guðrún Óla Jónsdóttir.

Guðrún Óla Jónsdóttir hefur verið ráðin ritstjóri Vikunnar. Hún tekur við af Steingerði Steinarsdóttur sem var sagt upp störfum í sumar.

Þetta kemur fram í fréttatilkynningu frá Birtingi, útgáfufélagi Vikunnar. Þar segir að Guðrún Óla hafi starfað sem blaðamaður á Vikunni frá árinu 2018 en áður verið hún blaðamaður á sunnudagsblaði Morgunblaðsins og Morgunblaðinu auk þess sem hún las fréttir á K100. 

„Hún lauk meistaranámi í blaða- og fréttamennsku frá Háskóla Íslands árið 2014 og er með B.Ed.-gráðu í íslenskukennslu. Guðrún Óla hefur einnig getið sér gott orð sem söngkona,“ segir í tilkynningunni. 

Haft er eftir Guðrúnu Ólu að hún sé þakklát fyrir tækifærið og traustið sem sér sé sýnt hjá Birtíngi og hlakki til að halda áfram þeirri góðu vegferð sem Vikan, elsta tímarit landsins, hafi verið á. 

„Það er gott, en ekki síður mikilvægt að tímaritaútgáfa lognist ekki út af þrátt fyrir allar þær breytingar sem hafa átt sér stað í hröðu nútímasamfélagi. Við hjá Birtíngi höfum verið í stafrænni uppbyggingu sem við munum halda áfram og það eru spennandi tímar framundan, en það er samt fátt sem jafnast á við að fletta tímariti yfir góðum kaffibolla,“ segir Guðrún Óla. 

Fjölmiðlar Vistaskipti

Tengdar fréttir

Steingerði sagt upp sem ritstjóra Vikunnar

Steingerði Steinarsdóttur hefur verið sagt upp störfum sem ritstjóra Vikunnar. Skipulagsbreytingar eru væntanlegar hjá Birtíngi, útgáfufélagi tímaritsins.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið