Sport

Dagskráin í dag: Golf, ítalski boltinn og lokaumferð Bestu-deildar kvenna

Hjörtur Leó Guðjónsson skrifar
Stjarnan getur tryggt sér annað sæti Bestu-deildarinnar með sigri í dag.
Stjarnan getur tryggt sér annað sæti Bestu-deildarinnar með sigri í dag. vísir/Hulda Margrét

Það verður nóg um að vera á sportrásum Stöðvar 2 í dag, en alls verður boðið upp á tólf beinar útsendingar úr hinum ýmsu áttum. Hæst ber þó líklega að nefna lokaumferð Bestu-deildar kvenna sem öll verður leikin á sama tíma.

Við hefjum þó leik klukkan 11:00 úti á golfvelli þegar bein útsending frá Alfred Dunhill Links Championship á DP World Tour hefst á Stöð 2 Sport 5. Volunteers of America Classic á LPGA-mótaröðinni er svo á dagskrá klukkan 17:00 á sömu rás áður en Sanderson Farms Championship á PGA-mótaröðinni lokar golfdeginum klukkan 21:00.

Þá eru þrír leikir í ítölsku úrvalsdeildinni í knattspyrnu á dagskrá í dag. Klukkan 12:50 tekur Napoli á móti Torino á Stöð 2 Sport 2, Inter tekur svo á móti Roma á sömu rás klukkan 15:50 áður en Ítalíumeistarar AD Milan heimsækja Empoli klukkan 18:35.

Að lokum er svo komið að máli málanna, lokaumferð Bestu-deildar kvenna. Baráttan um Íslandsmeistaratitilinn er ráðin og þá er einnig orðið ljóst hvaða lið dalla úr deildinni, en barátta Breiðabliks og Stjörnunnar um sæti í forkeppni Meistaradeildar Evrópu er enn á lífi.

Við hefjum upphitun fyrir leik nýkrýndra Íslandsmeistara Vals og Selfoss klukkan 13:00 á Stöð 2 Sport, en klukkan 13:50 hefst bein útsending frá viðureign Stjörnunnar og Keflavíkur á Stöð 2 Sport 4.

Klukkan 13:55 hefjast svo beinar útsendingar frá hinum þrem leikjum dagsins á Bestu-deildar rásunum þar sem Breiðablik tekur á móti Þrótti, ÍBV tekur á móti Aftureldingu og KR tekur á móti Þór/KA.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.