Handbolti

Sigvaldi og Hákon Daði snúa aftur en ekkert pláss fyrir Donna

Ingvi Þór Sæmundsson skrifar
Sigvaldi Guðjónsson missti af síðustu tveimur leikjum Íslands í undankeppni HM vegna meiðsla en er kominn aftur í landsliðið.
Sigvaldi Guðjónsson missti af síðustu tveimur leikjum Íslands í undankeppni HM vegna meiðsla en er kominn aftur í landsliðið. getty/Kolektiff Images

Guðmundur Guðmundsson hefur valið átján manna landsliðshóp fyrir leikina gegn Ísrael og Eistlandi í undankeppni EM í næsta mánuði.

Sigvaldi Guðjónsson snýr aftur í landsliðið en hann hefur ekki leikið með því síðan á EM í janúar. Hákon Daði Styrmisson, sem missti af EM, kemur einnig aftur í hópinn.

Þar er hins vegar ekkert pláss fyrir Kristján Örn Kristjánsson (Donni) eða Ólaf Guðmundsson. Þeir voru báðir með á EM og Ólafur hefur verið fastamaður í landsliðinu undanfarin ár.

Þrír markverðir eru í hópnum; Ágúst Elí Björgvinsson, Björgvin Páll Gústavsson og Viktor Gísli Hallgrímsson. Sá síðastnefndi hefur glímt við meiðsli að undanförnu en verður væntanlega klár í landsleikina sem framundan eru.

Ísland mætir Ísrael á Ásvöllum miðvikudaginn 12. október og Eistlandi ytra fjórum dögum seinna.

Íslenski hópurinn

Markverðir:

  • Ágúst Elí Björgvinsson, Ribe Esbjerg (45/1)
  • Björgvin Páll Gústavsson, Valur (242/16)
  • Viktor Gísli Hallgrímsson, HBC Nantes (35/1)

Aðrir leikmenn:

  • Arnar Freyr Arnarsson, MT Melsungen (69/80)
  • Aron Pálmarsson, Aalborg Håndbold (158/618)
  • Bjarki Már Elísson, Telekom Veszprém (89/276)
  • Daníel Þór Ingason, Balingen-Weistetten (37/11)
  • Elliði Snær Viðarsson, Vfl Gummersbach (21/26)
  • Elvar Ásgeirsson, Ribe Esbjerg (7/15)
  • Elvar Örn Jónsson, MT Melsungen (52/133)
  • Gísli Þorgeir Kristjánsson, SC Magdeburg (37/68)
  • Hákon Daði Styrmisson, Vfl Gummersbach (6/23)
  • Janus Daði Smárason, Kolstad Håndball (56/82)
  • Ómar Ingi Magnússon, SC Magdeburg (66/216)
  • Sigvaldi Björn Guðjónsson Kolstad Håndball (47/115)
  • Teitur Örn Einarsson, SG Flensburg-Handewitt (29/27)
  • Viggó Kristjánsson, SC Leipzig (31/70)
  • Ýmir Örn Gíslason, Die Rhein-Neckar Löwen (62/33)
Landslið karla í handbolta EM 2024 í handbolta

Mest lesið


Fleiri fréttir

Sjá meira


×

Mest lesið