Innlent

Segir Lilju harma skipun þjóðminjavarðar en ekki geta dregið hana til baka

Hólmfríður Gísladóttir skrifar
Ráðherra hefur verið harðlega gagnrýndur fyrir það hvernig staðið var að skipun þjóðminjavarðar.
Ráðherra hefur verið harðlega gagnrýndur fyrir það hvernig staðið var að skipun þjóðminjavarðar. Vísir/Vilhelm

Ólöf Gerður Sigfúsdóttir, formaður Íslandsdeildar International Council of Museums (ICOM), segir Lilju Alfreðsdóttur menningarmálaráðherra hafa harmað skipun þjóðminjavarðar án auglýsingar á Safnaþingi á Austfjörðum í síðustu viku.

Frá þessu greinir Fréttablaðið.

Þá segir Ólöf formenn þeirra félaga sem gagnrýndu ráðninguna hafa átt góðan fund með ráðherra í gær en þar hafi hún tjáð þeim að hún gæti ekki afturkallað skipunina en lýst vilja til að vinna áfram að málefnum höfuðsafnanna þriggja.

Söfnin þrjú eru Þjóðminjasafnið, Listasafn Íslands og Náttúruminjasafnið.

„Lilju var mjög mikið niðri fyrir. Hún harmaði að hafa fært til embættismann í starfi með þessum hætti,“ hefur Fréttablaðið eftir Ólöfu um orð Lilju á Safnaþinginu. Sagði hún marga hafa sett hljóða.

Á fundinum í gær var meðal annars ákveðið að stofna samráðshóp um fyrirkomulag ráðninga við söfnin og að setja takmörk á ráðningartíma í æðstu stöður, að sögn Ólafar.

Deilur um skipun þjóðminjavarðar Menning Ríkisstjórn Katrínar Jakobsdóttur Framsóknarflokkurinn Stjórnsýsla
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið