Viðskipti innlent

Um 380 milljónum deilt til 25 einka­rekinna fjöl­miðla

Atli Ísleifsson skrifar
Lilja Alfreðsdóttir er ráðherra menningarmála.
Lilja Alfreðsdóttir er ráðherra menningarmála. Vísir/Vilhelm

25 einkareknir fjölmiðlar deila með sér rúmlega 380 milljónum króna samkvæmt niðurstöðu úthlutunarnefndar um rekstrarstuðning til einkarekinna fjölmiðla. Þremur umsóknum var hafnað þar sem umsóknirnar uppfylltu ekki skilyrði fyrir rekstrarstuðning en í heildina sóttu fjölmiðlarnir 28 um rekstrarstuðning að fjárhæð 917,5 milljónir króna.

Árvakur, útgáfufélag Morgunblaðsins, Torg, útgáfufélag Fréttablaðsins, DV og Hringbrautar, og Sýn, sem rekur meðal annars Stöð 2, Vísi og Bylgjuna, hljóta hæstu styrkina, tæplega 67 milljónir króna hvert.

Greint er frá úthlutuninni á vef Fjölmiðlanefndar, en það eru Árni Vilhjálmsson hæstaréttarlögmaður, Stefán Svavarsson endurskoðandi og Valgerður Anna Jóhannsdóttir, lektor við Háskóla Íslands, sem skipa úthlutundarnefndina.

Í fjölmiðlalögum segir að rekstrarstuðningur hins opinbera skuli að hámarki vera 25 prósent af stuðningshæfum rekstrarkostnaði umsækjenda. „Þá ráðist endanlegt hlutfall af umfangi og fjölda umsókna. Til úthlutunar voru 384,3 millj. kr. að frádregnum kostnaði vegna umsýslu, auglýsinga, þóknunar fyrir störf úthlutunarnefndar o.fl. sem var um 0,87% af heildarfjárhæð eða 3.337.804 kr. Til úthlutunar voru því 380.962.196 kr,“ segir á vef fjölmiðlanefndar.

Samkvæmt ákvörðun úthlutunarnefndar hljóta eftirfarandi 25 fjölmiðlaveitur rekstrarstuðning árið 2022:

  • Árvakur hf. 66.767.227 kr.
  • Birtíngur útgáfufélag ehf. 13.207.817 kr.
  • Bændasamtök Íslands 16.756.577 kr.
  • Elísa Guðrún ehf. 3.707.875 kr.
  • Eyjasýn ehf. 1.914.776 kr.
  • Fótbolti ehf. 5.744.382 kr.
  • Fröken ehf. 5.814.742 kr.
  • Hönnunarhúsið ehf. 997.180 kr.
  • Kjarninn miðlar ehf. 14.519.325 kr.
  • Leturstofan Vestmannaeyjum ehf. 1.452.776 kr.
  • MD Reykjavík ehf. 4.642.775 kr.
  • Myllusetur ehf. 25.012.660 kr.
  • N4 ehf. 20.713.191 kr.
  • Nýprent ehf. 4.249.793 kr.
  • Prentmet Oddi ehf. 2.412.119 kr.
  • Skessuhorn ehf. 9.336.785 kr.
  • Sólartún ehf. 10.489.583 kr.
  • Steinprent ehf. 1.632.473 kr.
  • Sýn hf. 66.767.227 kr.
  • Torg ehf. 66.767.227 kr.
  • Tunnan prentþjónusta ehf. 2.117.748 kr.
  • Útgáfufélag Austurlands ehf. 3.660.962 kr.
  • Útgáfufélagið ehf. 4.306.578 kr.
  • Útgáfufélagið Stundin ehf. 22.273.029 kr.
  • Víkurfréttir ehf. 5.697.371 kr.




Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.