Viðskipti innlent

Smitten fær fjármagn upp á 1,4 milljarða

Vésteinn Örn Pétursson skrifar
Þeir Davíð Örn og Ásgeir Vísir eru stofnendur Smitten.
Þeir Davíð Örn og Ásgeir Vísir eru stofnendur Smitten. Smitten

Íslenska stefnumótaforritið Smitten hefur tryggt sér rúmlega 1.400 milljónir króna í fjárfestingu til að halda áfram þróun forritsins. Smitten er vinsælasta stefnumótaforritið á Íslandi.

Þetta kemur fram í tilkynningu frá fyrirtækinu, en þar segir að um sé að ræða 10 milljóna dollara fjárfestingu, eða um 1.400 milljónir króna. Fjárfestingin kemur frá Makers Fund, Possible Ventures, Wonder Invest og núverandi hluthöfum í Smitten, sem eru ByFounders, ProFounders, Tennin og Heini Zachariassen, stofnandi Vivino og stjórnarmaður í Smitten.

Í tilkynningunni er haft eftir Davíð Erni Símonarsyni, öðrum stofnanda Smitten, að hann og Ásgeir Vísir, meðstofnandi hans, hafi mikinn áhuga á samskiptum og hegðunarmynstri fólks.

„Eftir áratuga reynslu af gerð samskipta og samfélagsmiðla appa féllum við algjörlega fyrir hinum stafræna stefnumótaheimi og hleyptum Smitten af stokkunum. Með persónulegum leikjum og gagnvirkum prófílum gerum við notendum auðveldara fyrir að tengjast og eiga samtal. Þegar við sáum notendur kolfalla fyrir Smitten vissum við að við gætum orðið leiðandi á stefnumótamarkaði fyrir Z-kynslóðina,“ er haft eftir Davíð í tilkynningunni.

Með Z-kynslóðinni vísar Davíð til fólks sem fætt er frá miðjum tíunda áratug síðustu aldar til miðs fyrsta áratugar þessarar aldar.

Hér má sjá hluta þess 16 manna hóps sem starfar hjá Smitten.Smitten

Blanda saman leikjum, skemmtun og daðri

Smitten var stofnað af þeim Davíð og Ásgeiri og forritið gefið út fyrir um tveimur árum síðan. Það gerðu stofnendurnir ásamt tæknistjóranum Magnúsi Ólafssyni, en í dag starfa 16 manns hjá Smitten.

„Smitten blandar saman leikjum, skemmtun og daðri til að koma samræðum af stað og tengja notendur saman án fyrirhafnar. Skemmtileg og skapandi nálgun Smitten hefur snert við Z kynslóðinni en tugþúsundir virkir notendur appsins hafa swæpað yfir 200 milljón sinnum. Flestar samræður, hjá einstaklingum sem matcha saman í öðrum stefnumótaforritum, byrja vandræðalega og samræðurnar fjara fljótt út en Smitten gerir notendum kleift að hefja samræður á auðveldan hátt með leikjum, gagnvirkum prófílum og ísbrjótum. Hver sem er getur byrjað áhugaverðar og skemmtilegar samræður burtséð frá samskiptafærni en u.þ.b. 60% af mötchum hjá Smitten leiða til samræðna saman borið við 10% hjá stærsta samkeppnisaðilanum, Tinder,“ segir í tilkynningunni.

„Að draga saman það besta úr samfélagsmiðlum og leikjum hefur vakið mikinn áhuga hjá okkur, en Smitten teyminu hefur tekist ótrúlega vel til við að skapa upplifun sem virkar fyrir ungt fólk”, er haft eftir Alla Óttarssyni, sem leiðir fjárfestinguna í Smitten fyrir hönd Makers Fund.

„Eftir að hafa byggt upp sterk tengsl við stofnendur Smitten, Davíð Örn og Ásgeir Vísi, höfum við fengið þann heiður að fylgjast með árangri Smitten frá fremstu víglínu. Við deilum sameiginlegri sýn á það hvernig næsta kynslóð mun tjá sig og kynnast og erum gríðarspennt að vera hluti af vegferð Smitten.”


Tengdar fréttir

Telja sig geta unnið Tinder með skemmtilegra stefnumótaforriti

Smitten, nýtt stefnumóta-app sem gefið er út af íslensku hugvitsfólki, leit dagsins ljós í gær. Smitten er ætlað að fara í beina samkeppni við Tinder, en bæði forritin flokkast til frjálslegra og afslappaðra stefnumótaforrita.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.