„Sorgarfréttir úr Kópavogi“ en síðasta ballið er ekki búið Vésteinn Örn Pétursson skrifar 13. september 2022 07:00 Daníel Örn Einarsson er í hópi þeirra sem keyptu húsnæði og rekstur Spot á vormánuðum 2020. Hann segir kórónuveirufaraldurinn hafa reynst erfiðan, og að ballmenningin sé ekki svipur hjá sjón að honum yfirstöðnum. Vísir/Vilhelm Sportbarinn og ballstaðurinn Spot mun leggja upp laupana í þessum mánuði en næsta laugardag verður síðasta ballið á staðnum haldið. Eigandi Spot segir það hafa verið heiður að fengið að skemmta þúsundum manna síðustu ár. Spot hefur verið starfræktur frá árinu 2009, en Facebook-síða staðarins er nú undirlögð af auglýsingum fyrir síðasta ballið sem haldið verður á staðnum. „Laugardaginn 17.september verður því miður síðasta ball Spot haldið - en við kveðjum með stæl!“ segir í auglýsingunni. Hljómsveitin Nýju föt keisarans muni halda uppi stemningunni ástamt vel völdum gestum, en búið er að tilkynna Einar Ágúst sem einn þeirra gesta. Breytt ballmenning Í samtali við fréttastofu segir Daníel Örn Einarsson, sem rekið hefur staðinn frá árinu 2020, að um sorgarfréttir sé að ræða. „Sorgarfréttir úr Kópavoginum“ segir hann. Húsnæðið hafi verið selt og barnafatabúið komi nú í staðinn. „Þetta var bara komið gott eiginlega. Þessi ballstemning virðist vera farin, virðist vera búin. En það var mjög skemmtilegt að geta verið með þessi bingókvöld og þessi böll og allt svoleiðis,“ segir Daníel. Ballmenningin virðist hafa tekið breytingum eftir kórónuveirufaraldurinn, sem lýsti sér einna helst í dræmri mætingu. Þrátt fyrir það á hann von á að lokaballið verði vel sótt. Gera má ráð fyrir því að senn verði síðasti bjórinn seldur á Spot, sem er á útleið. Barnafataverslun kemur í húsnæðið í staðinn.Vísir/Vilhelm „Hver vill ekki mæta á síðasta ballið á Spot? Staðurinn er búinn að vera þarna í 13 ár. Það má búast við mjög góðri stemningu þar,“ segir Daníel, sem ásamt félögum sínum keypti rekstur staðarins vorið 2020, og fengu húsnæðið afhent 1. apríl 2020, í upphafi faraldurs. „Það var svolítil brekka að vera með þúsund fermetra stað og mega vera með tíu manns í hólfi,“ segir Daníel. Reksturinn hafi raunar ekki komist á neitt skrið fyrr en á seinni hluta síðasta árs. „En þá vorum við með Greifaball, Pallaball og allskonar,“ segir Daníel. Sunnudagurinn eftir ballið verður þó síðasti dagurinn sem Spot verður opinn. „Þá held ég að maður reyni svo bara að tæma barinn,“ segir Daníel. Spot stendur við Bæjarlind í Kópavogi.Vísir/Vilhelm Hefur ekki áhyggjur af fastakúnnum Daníel hefur starfað í veitinga- og skemmtanabransanum frá árinu 2007, og fór sjálfur út í eigin rekstur árið 2016. Hann segir ekki ljóst hvað tekur við hjá sér í framhaldinu. „Það kemur bara í ljós, ég veit það ekki. Maður er búinn að fá mikið af spurningum um framtíðina og atvinnutilboðum. Þannig að ég hef svo sem engar áhyggjur,“ segir Daníel. Aðspurður segir hann þá að stór hluti úr hópi fastakúnna Spot sé súr með fréttir af lokun staðarins, en auk þess að vera vinsæll ballstaður hefur staðurinn sýnt ógrynni íþróttaleikja gegnum tíðina og oft verið vel sóttur þegar stórir leikir fara fram, einkum á sviði knattspyrnunnar. „Ég hef ekki áhyggjur af því hvert þeir fara. Þeir hljóta að finna sér góðan sófa og gott sjónvarp einhvers staðar í Kópavoginum, en það vantar alveg nýjan stað, nýtt hjarta í Kópavogi. Það þarf svona ballstað einhvers staðar annarsstaðar en niðri í bæ,“ segir Daníel. Hann segir að reksturinn hafi verið afar ánægjulegur í alla staði. „Það er búið að vera ótrúlega gaman síðustu tvö ár. Maður hefur hitt mörg þúsund manns og gaman að hafa getað skemmt tugþúsund manns þarna í gegnum tíðina,“ segir Daníel Örn. Kópavogur Næturlíf Veitingastaðir Mest lesið Að sleikja narsisstann upp í vinnunni Atvinnulíf Stýrivextir líklegast ekki lækkaðir aftur á þessu ári Viðskipti innlent Alltof margir sem sitja eftir með sárt ennið Viðskipti innlent Forstjóri Flügger ákærður fyrir brot á viðskiptaþvingunum Viðskipti erlent Íslendingur missir leyfið fyrir KFC í Danmörku eftir meiriháttar hneyksli Viðskipti erlent Verðbólgan úr 3,8 prósentum í 4,2 prósent Viðskipti innlent „Alltaf leiðindamál að lenda í svona“ Viðskipti erlent Flügger rannsakað fyrir brot á viðskiptaþvingunum Viðskipti erlent Siðblindir: Þrisvar sinnum meiri líkur á að þeir séu í stjórnendastörfum Atvinnulíf Baldvin tekinn við sem forstjóri Samherja Viðskipti innlent Fleiri fréttir Stýrivextir líklegast ekki lækkaðir aftur á þessu ári Baldvin tekinn við sem forstjóri Samherja Lánardrottnar slá af milljarð af vöxtum á ári Birta stendur frammi fyrir 1,5 milljarða tapi á Play Ósátt með samráðsleysi stjórnvalda Atvinnuleysi minnkar lítillega Samkaup segja upp tuttugu og tveimur Vonast til að hefja slátrun árið 2028 Öryggismyndavélar á grenndarstöðvum eigi að sporna við sóðaskap Vilja lækka fasteignaskatta um tvo milljarða: „Við eigum fyrir þessu“ Á von á fleiri fyrirtækjum í hópmálssókn gegn Booking.com Þrjú verkefni fengu styrk úr sjóði FrumkvöðlaAuðar Endurskoða áform um 1,5 milljarða skattahækkun Tekjur meiri af erlendum ferðamönnum og færri starfandi í ferðaþjónustu Flokka úrgang í fyrsta sinn á Norðurálsmótinu Hefur sjálfur séð eyðileggingu af völdum botnvörpuveiða Bjarg íbúðafélag reisir þrjátíu íbúðir í Reykjanesbæ Allir héldu stjörnunni og Óx fékk eina græna til Raquelita Rós ráðin tæknistjóri Um helmingur sérbýla kostar meira en 150 milljónir Sérstaða Íslendinga í máltækni nýtist í nýrri samnorrænni gervigreindarmiðstöð Ragnhildur, Svavar og Hreinn nýir stjórnendur hjá N1 Sigrún Ósk ráðin upplýsingafulltrúi Akraneskaupstaðar Selur ísbílinn eftir þrjátíu ár í bransanum Tilkynningum frá verslunareigendum um alvarleg atvik hafi fjölgað „Þetta var ekki gert til að flækja, alls ekki“ Gunnþór verður formaður SFS í stað Guðmundar Heilbrigðiseftirlitið varaði við breytingunum Hvernig get ég ávaxtað peninga barnanna minna sem best? Leita að einhverjum til að reka Kolaportið áfram á sama stað Sjá meira
Spot hefur verið starfræktur frá árinu 2009, en Facebook-síða staðarins er nú undirlögð af auglýsingum fyrir síðasta ballið sem haldið verður á staðnum. „Laugardaginn 17.september verður því miður síðasta ball Spot haldið - en við kveðjum með stæl!“ segir í auglýsingunni. Hljómsveitin Nýju föt keisarans muni halda uppi stemningunni ástamt vel völdum gestum, en búið er að tilkynna Einar Ágúst sem einn þeirra gesta. Breytt ballmenning Í samtali við fréttastofu segir Daníel Örn Einarsson, sem rekið hefur staðinn frá árinu 2020, að um sorgarfréttir sé að ræða. „Sorgarfréttir úr Kópavoginum“ segir hann. Húsnæðið hafi verið selt og barnafatabúið komi nú í staðinn. „Þetta var bara komið gott eiginlega. Þessi ballstemning virðist vera farin, virðist vera búin. En það var mjög skemmtilegt að geta verið með þessi bingókvöld og þessi böll og allt svoleiðis,“ segir Daníel. Ballmenningin virðist hafa tekið breytingum eftir kórónuveirufaraldurinn, sem lýsti sér einna helst í dræmri mætingu. Þrátt fyrir það á hann von á að lokaballið verði vel sótt. Gera má ráð fyrir því að senn verði síðasti bjórinn seldur á Spot, sem er á útleið. Barnafataverslun kemur í húsnæðið í staðinn.Vísir/Vilhelm „Hver vill ekki mæta á síðasta ballið á Spot? Staðurinn er búinn að vera þarna í 13 ár. Það má búast við mjög góðri stemningu þar,“ segir Daníel, sem ásamt félögum sínum keypti rekstur staðarins vorið 2020, og fengu húsnæðið afhent 1. apríl 2020, í upphafi faraldurs. „Það var svolítil brekka að vera með þúsund fermetra stað og mega vera með tíu manns í hólfi,“ segir Daníel. Reksturinn hafi raunar ekki komist á neitt skrið fyrr en á seinni hluta síðasta árs. „En þá vorum við með Greifaball, Pallaball og allskonar,“ segir Daníel. Sunnudagurinn eftir ballið verður þó síðasti dagurinn sem Spot verður opinn. „Þá held ég að maður reyni svo bara að tæma barinn,“ segir Daníel. Spot stendur við Bæjarlind í Kópavogi.Vísir/Vilhelm Hefur ekki áhyggjur af fastakúnnum Daníel hefur starfað í veitinga- og skemmtanabransanum frá árinu 2007, og fór sjálfur út í eigin rekstur árið 2016. Hann segir ekki ljóst hvað tekur við hjá sér í framhaldinu. „Það kemur bara í ljós, ég veit það ekki. Maður er búinn að fá mikið af spurningum um framtíðina og atvinnutilboðum. Þannig að ég hef svo sem engar áhyggjur,“ segir Daníel. Aðspurður segir hann þá að stór hluti úr hópi fastakúnna Spot sé súr með fréttir af lokun staðarins, en auk þess að vera vinsæll ballstaður hefur staðurinn sýnt ógrynni íþróttaleikja gegnum tíðina og oft verið vel sóttur þegar stórir leikir fara fram, einkum á sviði knattspyrnunnar. „Ég hef ekki áhyggjur af því hvert þeir fara. Þeir hljóta að finna sér góðan sófa og gott sjónvarp einhvers staðar í Kópavoginum, en það vantar alveg nýjan stað, nýtt hjarta í Kópavogi. Það þarf svona ballstað einhvers staðar annarsstaðar en niðri í bæ,“ segir Daníel. Hann segir að reksturinn hafi verið afar ánægjulegur í alla staði. „Það er búið að vera ótrúlega gaman síðustu tvö ár. Maður hefur hitt mörg þúsund manns og gaman að hafa getað skemmt tugþúsund manns þarna í gegnum tíðina,“ segir Daníel Örn.
Kópavogur Næturlíf Veitingastaðir Mest lesið Að sleikja narsisstann upp í vinnunni Atvinnulíf Stýrivextir líklegast ekki lækkaðir aftur á þessu ári Viðskipti innlent Alltof margir sem sitja eftir með sárt ennið Viðskipti innlent Forstjóri Flügger ákærður fyrir brot á viðskiptaþvingunum Viðskipti erlent Íslendingur missir leyfið fyrir KFC í Danmörku eftir meiriháttar hneyksli Viðskipti erlent Verðbólgan úr 3,8 prósentum í 4,2 prósent Viðskipti innlent „Alltaf leiðindamál að lenda í svona“ Viðskipti erlent Flügger rannsakað fyrir brot á viðskiptaþvingunum Viðskipti erlent Siðblindir: Þrisvar sinnum meiri líkur á að þeir séu í stjórnendastörfum Atvinnulíf Baldvin tekinn við sem forstjóri Samherja Viðskipti innlent Fleiri fréttir Stýrivextir líklegast ekki lækkaðir aftur á þessu ári Baldvin tekinn við sem forstjóri Samherja Lánardrottnar slá af milljarð af vöxtum á ári Birta stendur frammi fyrir 1,5 milljarða tapi á Play Ósátt með samráðsleysi stjórnvalda Atvinnuleysi minnkar lítillega Samkaup segja upp tuttugu og tveimur Vonast til að hefja slátrun árið 2028 Öryggismyndavélar á grenndarstöðvum eigi að sporna við sóðaskap Vilja lækka fasteignaskatta um tvo milljarða: „Við eigum fyrir þessu“ Á von á fleiri fyrirtækjum í hópmálssókn gegn Booking.com Þrjú verkefni fengu styrk úr sjóði FrumkvöðlaAuðar Endurskoða áform um 1,5 milljarða skattahækkun Tekjur meiri af erlendum ferðamönnum og færri starfandi í ferðaþjónustu Flokka úrgang í fyrsta sinn á Norðurálsmótinu Hefur sjálfur séð eyðileggingu af völdum botnvörpuveiða Bjarg íbúðafélag reisir þrjátíu íbúðir í Reykjanesbæ Allir héldu stjörnunni og Óx fékk eina græna til Raquelita Rós ráðin tæknistjóri Um helmingur sérbýla kostar meira en 150 milljónir Sérstaða Íslendinga í máltækni nýtist í nýrri samnorrænni gervigreindarmiðstöð Ragnhildur, Svavar og Hreinn nýir stjórnendur hjá N1 Sigrún Ósk ráðin upplýsingafulltrúi Akraneskaupstaðar Selur ísbílinn eftir þrjátíu ár í bransanum Tilkynningum frá verslunareigendum um alvarleg atvik hafi fjölgað „Þetta var ekki gert til að flækja, alls ekki“ Gunnþór verður formaður SFS í stað Guðmundar Heilbrigðiseftirlitið varaði við breytingunum Hvernig get ég ávaxtað peninga barnanna minna sem best? Leita að einhverjum til að reka Kolaportið áfram á sama stað Sjá meira