Viðskipti innlent

Nýr fram­kvæmda­stjóri hjá Kerecis

Bjarki Sigurðsson skrifar
Dr. Dan Mooradian er nýr framkvæmdastjóri rannsóknar- og þróunarmála hjá Kerecis
Dr. Dan Mooradian er nýr framkvæmdastjóri rannsóknar- og þróunarmála hjá Kerecis

Dr. Dan Mooradian hefur tekið við sem framkvæmdastjóri rannsóknar- og þróunarmála hjá Kerecis. Klara Sveinsdóttir sem var áður framkvæmdastjóri rannsóknar-, þróunar-, gæða- og skráningarmála mun nú einbeita sér einungis að gæða- og skráningarmálum.

Dan mun sömuleiðis taka sæti í framkvæmdastjórn fyrirtækisins en hann er með doktorsgráðu í meinafræði. Undanfarin átta ár hefur hann haft aðkomu að þróunarstarfi Kerecis sem ráðgjafi.

Dan hefur stýrt stórum þróunarteymum hjá bandarísku lækningavörufyrirtækjunum Baxter og Boston Scientific.

Kerecis lauk nýverið 14 milljarða króna hlutafjáraukningu og er ráðning Dans hluti af áætlunum fyrirtækisins um að hraða þróun nýrra vara en markmið fyrirtækisins er að 1/5 af tekjum hvers ár komi að jafnaði frá nýjum vörum.

Nýsköpun Vistaskipti


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið