Albumm

Þeysireið á milli ólíkra strauma

Ritstjórn Albumm skrifar

Föstudaginn 2. september kemur út glæný poppbreiðskífa frá Benna Hemm Hemm. Platan ber titilinn Lending og kemur út á streymisveitum en einnig á formi ljóðabókar.

Á plötunni má heyra útvarpsslagarana 3000 og Á óvart en plötunni hefur verið lýst sem þeysireið á milli ólíkra strauma og stefna sem hangir saman á ósýnilegum bláþræði.

Á plötunni kemur fjöldi tónlistarmanna fram en platan er tekin upp í hljóðveri Benna Hemm Hemm. Flytjendur á plötunni eru Urður Hákonardóttir, Kött Grá Pje, Elsa Kristín Sigurðardóttir, Tumi Árnason, Kári Hólmar Ragnarsson, Bergrún Snæbjörnsdóttir, Ingi Garðar Erlendsson, Sturlaugur Jón Björnsson, Lorna Gilfedder, Júlía Mogensen og Þorlákur og Guðmundur Ari Benediktssynir.

Útgáfutónleikar fara fram í Tjarnarbíói 28. september og fer miðasala fram á tix.is Bókin er riso-prentuð vasabók og hefur hlotið viðurnefnið Hið nýja rauða kver. Bókin kemur út í takmörkuðu upplagi.

Þessi grein birtist fyrst á Albumm.is. Albumm var stofnaður árið 2014 og fjallar um íslenska tónlist og menningu frá öllum hliðum. Hægt er að hafa samband með því að senda póst á albumm@albumm.is.






Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.