Innlent

Fjór­tán mánuðir fyrir til­raun til smygls á kílói af kókaíni

Atli Ísleifsson skrifar
Úr dómsal í Héraðsdómi Reykjaness í Hafnarfirði.
Úr dómsal í Héraðsdómi Reykjaness í Hafnarfirði. Vísir/Vilhelm

Héraðsdómur Reykjaness hefur dæmt konu í fjórtán mánaða fangelsi fyrir stórfellt fíkniefnabrot, en hún reyndi að smygla tæpu kílói af kókaíni til landsins. Konan flutti efnin sem farþegi með flugi frá Lissabon til Keflavíkurflugvallar í lok júní síðastliðinn.

Konan játaði afdráttarlaust sök samkvæmt ákæru, en fyrir dómi kom ekkert fram um það að ákærða hafi verið eigandi efnisins né tekið þátt í skipulagningu á kaupum og innflutningi þess til Íslands með öðrum hætti en þeim að samþykkja að flytja efnin til landsins gegn greiðslu.

Ekki er vitað til þess að konan hafi áður orðið uppvís að refsiverðri háttsemi.

Efnin, 957 grömm af kókaíni með 80 til 85 prósent styrkleika, voru gerð upptæk, ásamt farsíma sem konan notað við framkvæmd brotsins.

Hæfileg refsing þótti fjórtán mánuðir en til frádráttar refsingunni kemur gæsluvarðhald sem konan hafði sætt frá 28. júní síðastliðinn.

Konunni var einnig gert að greiða þóknun skipaðs verjanda og annan sakarkostnað, samtals um ein og hálf milljón króna.

Dómsmál Smygl Tollgæslan Fíkniefnabrot

Tengdar fréttir

Tvö burðardýr dæmd fyrir kókaíninnflutning

Héraðsdómur Reykjaness hefur dæmt tvo erlenda ríkisborgara fyrir innflutning á kókaíni hingað til lands. Ekkert bendir til annars en að einstaklingarnir hafi verið svokölluð burðardýr.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið