Fótbolti

Alexandra sögð á leið í ítalska félagið Fiorentina

Óskar Ófeigur Jónsson skrifar
Alexandra Jóhannsdóttir lék með Blikum í stuttan tíma í sumar.
Alexandra Jóhannsdóttir lék með Blikum í stuttan tíma í sumar. Vísir/Bára Dröfn

Íslenska landsliðskonan Alexandra Jóhannsdóttir er búin að finna sér nýtt lið og það lið í Seríu A á Ítalíu.

Alexandra var leikmaður þýska liðsins Eintracht Frankfurt en yfirgaf félagið á dögunum eftir eitt og hálft ár. Hún var á láni hjá Blikum í sumar í aðdraganda Evrópumótsins þar sem hún var í íslenska hópnum og kom við sögu í tveimur leikjum af þremur.

Heimildir Fótbolta.net herma að Alexandra sé að fara til Fiorentina og að hún sé byrjuð að æfa með félaginu.

Þorsteinn Halldórsson valdi Alexöndru í landsliðshópinn sinn í dag og sagði á blaðamannafundi að hann vissi í hvaða félag hún væri að fara án þess að vilja gefa það upp.

Alexandra er 22 ára miðjumaður sem hefur verið hluti af íslenska landsliðinu síðan sumarið 2019.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.