Innlent

Hættir hjá Land­spítala og verður leið­togi öldrunar­þjónustu hjá borginni

Atli Ísleifsson skrifar
Anna Sigrún Baldursdóttir.
Anna Sigrún Baldursdóttir. Reykjavíkurborg

Anna Sigrún Baldursdóttir, framkvæmdastjóri á Landspítala, hefur verið ráðin skrifstofustjóri og leiðtogi öldrunarmála hjá velferðarsviði Reykjavíkurborgar. Síðustu níu ár hefur hún starfað sem aðstoðarmaður forstjóra Landspítala og síðar framkvæmdastjóri á Landspítala.

Á vef Reykjavíkurborgar segir að Anna Sigrún taki við starfinu af Berglindi Magnúsdóttur sem hafi hafið störf í félags-og vinnumarkaðsráðuneytinu sem verkefnisstjóri nefndar um heildarendurskoðun á þjónustu við eldra fólk.

„Málaflokkar sem skrifstofa öldrunarmála ber ábyrgð á eru meðal annars heimahjúkrun, heimaþjónusta, hjúkrunarheimili, þjónustuíbúðir, heimsending matar og félagsstarf.

Anna Sigrún er hjúkrunarfræðingur að mennt með MBA próf frá Háskólanum í Reykjavík og stundar nám í opinberri stjórnsýslu við Háskóla Íslands. Anna er reyndur stjórnandi í opinberri þjónustu, en síðustu níu ár hefur hún starfað sem aðstoðarmaður forstjóra og síðar framkvæmdastjóri á Landspítala. Hún var aðstoðarmaður velferðarráðherra í sameinuðu félags- og heilbrigðisráðuneyti árin 2009-2013 og rak þar á undan eigið fyrirtæki í heilbrigðisþjónustu. Gert er ráð fyrir að hún hefji störf í október næstkomandi.“

Vistaskipti Landspítalinn Eldri borgarar Reykjavík
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið