Viðskipti innlent

Öllum sagt upp hjá Fagus

Eiður Þór Árnason skrifar
Móðurfélag Parki Interiors tók yfir rekstur Fagus fyrir tveimur árum.
Móðurfélag Parki Interiors tók yfir rekstur Fagus fyrir tveimur árum. Parki

Öllum átta starfsmönnum trésmiðjunnar Fagus í Þorlákshöfn hefur verið sagt upp störfum. Fagus er í eigu Bitter ehf., móðurfélags Parki Interiors og býðst starfsfólki að þiggja önnur störf hjá móðurfélaginu eða vinna uppsagnarfrest.

Þetta staðfestir Gústaf Ólafsson, framkvæmdastjóri Bitter, í samtali við Vísi en Hafnarfréttir greindu fyrst frá. Gústaf segir að trésmiðjan hafi lengi glímt við rekstrarvanda og hann haldið áfram eftir að Bitter keypti fyrirtækið haustið 2020. Stjórnendur vonist til þess að geta haldið starfsemi áfram á Þorlákshöfn og leiti nú leiða til þess að gera það að veruleika.

Að sögn Gústafs hefur skortur á starfsfólki flækt reksturinn og samkeppni um vinnuafl sjaldan verið harðari. Erfitt hafi verið að halda þekkingarstiginu í trésmiðjunni eftir að fyrri eigendur fóru út úr rekstrinum og á eftirlaun.

Fram kemur í frétt Hafnarfrétta að Fagus hafi verið eina starfandi innréttinga- og hurðaframleiðsluverkstæðið á Suðurlandi. Trésmiðjan Fagus var stofnuð árið 1991 af þeim Hannesi Gunnarssyni, Guðlaugi Óskari Jónssyni, Gesti Sigþórssyni og Pétri Björgvinssyni.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.