Viðskipti innlent

Samdráttur vegna erlendra færsluhirða

Ellen Geirsdóttir Håkansson skrifar
Íslensk ferðaþjónustufyrirtæki hafi í auknum mæli farið að stunda viðskipti við erlendra færsluhirði í stað íslenskra. Mynd tengist frétt ekki beint.
Íslensk ferðaþjónustufyrirtæki hafi í auknum mæli farið að stunda viðskipti við erlendra færsluhirði í stað íslenskra. Mynd tengist frétt ekki beint. Vísir/Vilhelm

Mælanleg erlend kortavelta hefur dregist saman ef litið er til annarra ferðaþjónustufyrirtækja en bílaleiga, hótela og veitingastaða. Þetta sýna tölur Rannsóknarseturs verslunarinnar en kortavelta hefur verið ein helsta leiðin til þess að leggja mat á gengi ferðaþjónustunnar.

Í umfjöllun vefsíðunnar Túristi um málið kemur fram að erlend kortavelta í flokknum „ýmis ferðaþjónusta“ í samantekt Rannsóknarseturs verslunarinnar hafi dregist saman um nærri þriðjung eða 1,3 milljarða séu tölur frá júní 2022 og 2019 bornar saman.

Ástæðan að baki þessum mikla samdrætti sé sú að íslensk ferðaþjónustufyrirtæki hafi í auknum mæli farið að stunda viðskipti við erlendra færsluhirði í stað íslenskra en tölur rannsóknarsetursins ná aðeins yfir upplýsingar frá Netgíró, SaltPay, Valitor og Rapyd.

Ekki sé ljóst hversu stór hluti af heildinni það sé sem gögnin nái ekki yfir en í samtali við fyrrnefndan miðil segist Skarphéðinn Berg Steinarsson, ferðamálastjóri efast um að það reynist einfalt að nálgast tölur frá erlendum færsluhirðum.

Vægi flokksins „ýmis ferðaþjónusta“ í skýrslu rannsóknarsetursins hafi minnkað úr því að vera 17 prósent af allri erlendri kortaveltu hér á landi í júní 2019 niður í rétt um tíu prósent í júní 2022. Í þessum flokki séu til dæmis íslenskar ferðaskrifstofur, bátaleigur, markaðssetningarfyrirtæki og ferðaskipuleggjendur. 

Ferðamennska á Íslandi Greiðslumiðlun Efnahagsmál


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið