Brott­hvarf á fram­halds­skóla­stigi aldrei verið minna

Fjórum árum eftir innritun höfðu 29,6 prósent nýnema haustsins 2003 hætt námi án þess að útskrifast en 19,9 prósent nemenda haustsins 2016. Þetta kemur fram í nýjum tölum á vef Hagstofu. Í fyrsta sinn fer hlutfallið niður fyrir tuttugu prósent.

Af nýnemum haustsins 2003 voru 44,7 prósent útskrifaðir fjórum árum seinna en nú er sá fjöldi kominn í 61,7 prósent. Búast má við því að innleiðing þriggja ára kerfisins spili inn í það.

Samkvæmt Hagstofu eru karlmenn líklegri til að hætta í námi en brotthvarf er meira meðal nemenda í starfsnámi en bóknámi. Þá er brotthvarf algengara í skólum á landsbyggðinni en á höfuðborgarsvæðinu.