Bílar

Framkvæmdastjóri Volkswagen Group hættir

Kristinn Ásgeir Gylfason skrifar
Herbert Diess, sem lætur af störfum sem framkvæmdastjóri VW Group 1. september næstkomandi.
Herbert Diess, sem lætur af störfum sem framkvæmdastjóri VW Group 1. september næstkomandi. Vísir/EPA

Herbert Diess, framkvæmdastjóri Volkswagen samsteypunnar hefur sagt starfi sínu lausu og mun láta af því 1. september næstkomandi. Næsti framkvæmdastjóri Volkswagen samsteypunnar verður Oliver Blume, núverandi framkvæmdastjóri Porsche.

Starfslok Diess ber til eftir „sameiginlega ákvörðun“ segir í yfirlýsingu frá Volkswagen. En engin sérstök ástæða hefur verið gefin um hvers vegna Diess er að láta af störfum.

Stjórnarformaður Volkswagen Group, Hans Dieter Pötsch þakkaði Diess fyrir störf sín og sagði að „á meðan hann hefur verið stjórnarformaður farþegabifreiða Volkswagen og stjórnarformaður samsteypunnar þá hefur Herbert Diess spilað lykilhlutverk í að umbreyta félaginu. Samsteypan og vörumerki hennar eyja nú framtíð og geta til nýsköpunar hefur aukist gríðarlega sem og tekjumöguleikar. Diess gekk greiðlega að umbreyta fyrirtækinu og hann stýrði félaginu ekki aðeins í gegnum öldudal heldur einnig inn á alveg nýjar brautir þegar kemur að áherslum framtíðarinnar.“ Þar vísar Pötsch til rafbílavæðingar í kjölfar díselskandalsins.

Oliver Blume, framkvæmdastjóri Porsche.Vísir/Getty

Blume mun halda áfram að stýra Porsche eftir að hann tekur við skyldum Diess sem framkvæmdastjóri Volkswagen Group. Arno Antlitz, fjármálastjóri Volkswagen Group mun stiga inn í hlutverk rekstrarstjóra fyrirtækisins til að vera Blume innan handar í daglegu amstri.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.