Erlent

SAS hefur flugið á ný

Gunnar Reynir Valþórsson skrifar
Samningaviðræðurnar tóku rétt rúmlega tvær vikur.
Samningaviðræðurnar tóku rétt rúmlega tvær vikur. NurPhoto/Getty

Flugfélagið SAS og stéttarfélög flugmanna þess hafa komist að samkomulagi um að flugmenn taki upp störf á ný en þeir hafa verið í verkfalli tvær vikur.

Samningur var undirritaður í nótt og segir samskiptastjóri félagsins í samtali við sænska ríkisútvarpið að allar ferðir sem voru á dagkskrá í dag verði farnar. 

Verkfallið hefur kostað félagið gífurlegar fjárhæðir og haft áhrif ferðir um þrjátíu þúsund manns á hverjum einasta degi. 

Á meðal þess sem komist var að samkomulagi um var að 450 flugmönnum sem sagt var upp í kórónuveirufaraldrinum verður tryggð vinna. Samningaviðræður við stéttarfélög flugmanna í Svíþjóð, Noregi og Danmörku hafa staðið yfir síðan í nóvember á síðasta ári án mikils árangurs og því ákváðu flugmennirnir að fara í verkfall fyrir hálfum mánuði.

Fréttir af flugi
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið