Flutti ræðu á ráð­stefnu í Ox­ford-há­skóla

Í ræðunni ræddi Katrín um áherslur íslenskra stjórnvalda á velsældarhagkerfið og notkun velsældarvísa til að mæla hagsæld og lífsgæði. Við endurreisnina í kjölfar heimsfaraldurs hafi stjórnvöld horft til velsældarsjónarmiða og lagt þar sérstaka áherslu á jafnrétti kynjanna.

Þá ræddi hún um tengsl velsældar og baráttunnar gegn loftslagsbreytingum en að hennar sögn hefur sú barátta neytt okkur til að endurhugsa lifnaðarhætti okkar, neyslu, framleiðslu og samgönguhætti. Þótt kostnaðurinn við að afstýra loftslagsvánni gæti orðið umtalsverður þurfi það ekki að þýða minni velsæld ef áhersla er lögð á þarfir fólks.

Á ráðstefnunni komu saman fræðafólk, þriðji geirinn, atvinnurekendur, stjórnmálamenn og fólk innan stjórnsýslunnar.