Útkall barst til björgunarsveita á Vesturlandi á fjórða tímanum í dag vegna konu sem hafði hrasað og slasað sig á fæti í Hvalfirði. Hún hafði verið á göngu í Síldarmannagötum innst í firðinum þegar hún slasaðist og gat hún ekki gengið.
Í tilkynningu frá Landsbjörg segir að konan hafi verið í um 400 metra hæð og hafi þurft að bera hana um tveggja kílómetra leið.
Búið sé að koma henni niður og í sjúkrabíl.
Einnig barst útkall til björgunarsveita á Snæfellsnesi eftir að kona datt haf hestbaki í Löngufjörum. Sjúkrabíll komst ekki á vettvang og var björgunarsveitarfólk beðið um að flytja hana.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
Fleiri fréttir
Sjá meira
