Sport

Katrín Tanja komst ekki á áttundu heims­leikana í röð

Runólfur Trausti Þórhallsson skrifar
Katrín Tanja hefur farið á síðustu sjö heimsleika en verður ekki með að þessu sinni.
Katrín Tanja hefur farið á síðustu sjö heimsleika en verður ekki með að þessu sinni. katrintanja/instagram

Katrín Tanja Davíðsdóttir mun ekki taka þátt á heimsleikunum í CrossFit í ár. Katrín Tanja hefur tekið þátt á síðustu sjö heimsleikum en mun ekki bæta þeim áttundu við í safnið.

Katrín Tanja og Sara Sigmundsdóttir tóku þátt á Last Chance undankeppninni sem var þeirra síðasti séns til að tryggja sér sæti á heimsleikunum. Katrín Tanja átti ágætis möguleika fyrir síðustu greinar undankeppninnar á meðan Sara var svo gott sem úr leik.

Eftir greinar kvöldsins er hins vegar ljóst að Katrín Tanja kemst ekki á sína áttundu heimsleika í röð.

Þetta eru þriðju leikarnir í röð sem Sara missir af. Hún komst ekki áfram í lokaúrslitin 2020 en vegna kórónuveirunnar komust þá bara fimm í úrslitin. Í fyrra missti hún síðan af öllum tímabilinu eftir krossbandsslit.


Tengdar fréttir




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.