Innlent

Burðar­dýr dæmt í fimm­tán mánaða fangelsi

Bjarki Sigurðsson skrifar
Héraðsdómur Reykjaness hefur aðsetur í Hafnarfirði.
Héraðsdómur Reykjaness hefur aðsetur í Hafnarfirði. Vísir/Vilhelm

Kvenmaður var í dag dæmdur í fimmtán mánaða fangelsi í héraðsdómi Reykjaness fyrir innflutning á rúmu kílói af sterku kókaíni. Efnin voru ætluð til söludreifingar hér á landi.

Konan kom hingað til lands með flugi frá París þann 25. apríl síðastliðinn og var með efnin innvortis við komuna. Um er að ræða ansi sterkt kókaín, með 65 til 73 prósent styrkleika sem samsvarar 73 til 82 prósent af kókaínklóríði.

Konan játaði brot sín fyrir dómi en hún hefur ekki áður orðið uppvís af refsiverðri háttsemi svo kunnugt sé.

Af þeim gögnum sem voru fyrirliggjandi var ekki ráðið að hún hafi verið eigandi fíkniefnanna eða tekið þátt í skipulagningu á kaupum og innflutningi þeirra til Íslands með öðrum hætti en að samþykkja að flytja efnin til landsins gegn greiðslu.

Konan var því dæmd til fimmtán mánaða fangelsisvistar og gert að greiða rúma 1,6 milljónir í sakarkostnað. Til frádráttar fangelsisvistarinnar kemur gæsluvarðhald konunnar frá 25. apríl.

Dómsmál Fíkniefnabrot Smygl
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið