Golf

Daffue með tveggja högga forystu á Opna bandaríska

Hjörtur Leó Guðjónsson skrifar
MJ Daffue er efstur á Opna bandaríska meistaramótinu í golfi.
MJ Daffue er efstur á Opna bandaríska meistaramótinu í golfi. Dean Mouhtaropoulos/Getty Images

Nú þegar um helmingur kylfinga er lagður af stað á annan hring Opna bandaríska meistaramótsins í golfi er Suður-Afríkumaðurinn MJ Daffue með tveegja högga forystu á keppinauta sína.

Daffue hefur leikið fyrstu 13 holurnar á tveimur höggum undir pari þegar þetta er ritað, en hann lék hringinn í gær á þremur undir pari og er því samtals á fimm höggum undir pari vallarins.

Matt Fitzpatrick situr í öðru sæti á þremur höggum undir pari eftir tíu holur í dag. Fjórir aðrir kylfingar eru á þremur höggum undir pari, en þeir eiga enn eftir að hefja hring dagsins. Þar á meðal er Norður-Írinn Rory McIlroy.

Kanadamaðurinn Adam Hadwin var með forystuna eftir gærdaginn þar sem hann lék manna best á 66 höggum, eða fjórum höggum undir pari vallarins. Hann hefur hins vegar ekki náð sér á strik í dag og hefur leikið fyrstu átta holur dagsins á þremur höggum yfir pari. Hann situr nú í tólfta sæti ásamt tólf öðrum kylfingum.

Þá er Phil Mickelson enn í miklu basli. Hann lék hringinn í gær á átta höggum og hefur leikið fyrstu tíu holur dagsins á þremur höggum yfir pari. Hann er því samtals á ellefu höggum yfir pari og er jafn fjórum öðrum kylfingum í 145. sæti af 156.

Öll stærstu golfmótin eru á Stöð 2 Golf en upplýsingar um útsendingar má finna hér. Stöð 2 Golf kostar 3.990 krónur á mánuði en er einnig hluti af Sportpakkanum.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.