Viðskipti innlent

ÁTVR setur bindindisfólk út í kuldann

Eiður Þór Árnason skrifar
Það er ekki mikið í boði fyrir bindindisfólk og aðra unnendur 0% drykkja í verslunum ÁTVR.
Það er ekki mikið í boði fyrir bindindisfólk og aðra unnendur 0% drykkja í verslunum ÁTVR. Vísir/Vilhelm

Vínbúðin hefur hætt sölu á óáfengu víni og hyggst ekki bjóða upp á neina áfengislausa kosti í náinni framtíð. Aðstoðarforstjóri ÁTVR segir það ekki hlutverk þess að vera í samkeppni við matvöruverslanir um sölu á þessum tegundum drykkja.

Þetta kemur fram í Viðskiptablaðinu í dag. Þar er rætt við forsvarsmenn Akkúrat sem óskuðu eftir því að fá áfengislausa drykki sína inn í vöruúrval Vínbúðarinnar. Stjórnendur ÁTVR höfnuðu umsókninni og ákváðu að hætta alfarið sölu á áfengislausum drykkjum. Akkúrat flytur meðal annars inn áfengislausan bjór undir merkjum Lucky Saint og áfengislausa kokteila frá Highball.

„Þau rökstuddu ákvörðunina þannig að áfengislausar vörur hefðu ekki selst vel. Mér finnst það skondin skýring þar sem fram að þessu hafði úrvalið verið lélegt og eftirspurnin aukist gífurlega á síðustu árum samhliða gæðum drykkjanna,“ segir Andri Árnason, einn eigenda Akkúrat, í samtali við Viðskiptablaðið.

Haft er eftir Sigrúnu Ósk Sigurðardóttur, aðstoðarforstjóra ÁTVR, að áður hafi ÁTVR ávallt boðið upp á eina til tvær tegundir af óáfengum vínum en ákveðið hafi verið að hætta því þar sem salan sé ótengd einkaleyfi ÁTVR.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.