Viðskipti erlent

Sri­racha-sósu­skortur vegna veðurs

Ellen Geirsdóttir Håkansson skrifar
Hin fræga Sriracha sósa.
Hin fræga Sriracha sósa. Getty/Justin Sullivan

Skortur á Sriracha sósu er yfirvofandi vegna veðrabreytinga í Mexíkó en Huy Fong Foods, framleiðandi sósunnar notar um það bil fimmtíu þúsund tonn af eldpipar í sósurnar sínar. Þetta hráefni er nú veðursins vegna af skornum skammti.

Skorturinn hefur verið í vændum til lengri tíma en í júlí 2020 sendi fyrirtækið frá sér tilkynningu um mögulegan skort á eldpipar og virðist sá möguleiki nú vera að raungerast. Í apríl á þessu ári segir fyrirtækið skortinn vera orðinn alvarlegan og muni það ekki taka við frekari pöntunum eða afgreiða pantanir apríl mánaðar fyrr en í september. Þetta kemur fram í umfjöllun Los Angeles Times um málið. 

Fyrirtækið segist þó ekki búast við algerum skorti þar sem það hafi enn aðgang að eldpiparnum en framleiðslan sé í miklu lágmarki. Framleiðendur vonast til þess að finna rétta tegund eldpipars frá öðrum landsvæðum, en Huy Fong Foods hefur í gegnum tíðina verið í viðskiptum við framleiðendur frá Mexíkó, Nýju Mexíkó og Kaliforníu.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.