Innlent

Ung­menni nef­braut ung­menni í Kópa­vogi

Bjarki Sigurðsson skrifar
Bæði gerandi og árásarþoli eru fædd árið 2008.
Bæði gerandi og árásarþoli eru fædd árið 2008. Vísir/Vilhelm

Klukkan rúmlega fimm í gær fékk lögreglan á höfuðborgarsvæðinu tilkynningu um líkamsárás í Kópavogi. Árásarþoli var fluttur nefbrotinn á bráðadeild til aðhlynningar en bæði hann og gerandinn eru fæddir árið 2008.

Þetta kemur fram í dagbók lögreglu en stuttu seinna var tilkynnt um þjófnað á rafmagnshlaupahjóli hjá Smáralind. Þjófnaðurinn sést í myndavélakerfi verslunarmiðstöðvarinnar.

Í Breiðholti var tilkynnt um yfirstandandi innbrot í bílskúr klukkan tæplega fjögur í nótt. Tilkynnandi sagðist sjá par vera að bera muni úr bílskúrnum og var fólkið enn á staðnum þegar lögregla mætti. Þau voru vistuð í fangageymslu lögreglu.

Lögreglumál Kópavogur Reykjavík

Mest lesið


Fleiri fréttir

Sjá meira


×

Mest lesið