Brynhildur er að hætta hjá Rauða krossinum en það er spurning hvert hún fer.Rauði krossinn
Brynhildur Bolladóttir, upplýsingafulltrúi Rauða krossins, er að hætta eftir fimm ár í starfi sínu. Þar áður starfaði hún sem verkefnastjóri hjá Rauða krossinum svo ákvörðunin markar endalok áralangs tímabils. Það er ekki ljóst hvert hún fer næst.
Rauði krossinn birti í fyrradag, 8. júní, auglýsingu fyrir kynningar- og fjölmiðlafulltrúa í fjáröflunar- og kynningarsvið félagsins. Þar kemur fram að starfið feli í sér þátttöku í markaðsstarfi, samskiptum við fjölmiðla og eflingu á helstu fjáröflunarleiðum Rauða krossins.
Starfstitillinn er ekki sá sami og hjá Brynhildi en af verkefnalýsingunni má greina að um sama starf er að ræða.
Brynhildur staðfesti síðan í símtali við blaðamann að það væri verið að auglýsa hennar starf þar sem hún væri að hætta hjá Rauða krossinum. Hún var hins vegar ekki tilbúin að gefa upp hvert hún væri að fara að svo stöddu.
Hún tekur við starfinu af Birni Teitssyni sem hætti störfum í janúar en hann hafði gegnt því frá árinu 2015.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
