Erlent

Tugir fórust í troðingi á kirkjumarkaði í Nígeríu

Kjartan Kjartansson skrifar
Fleiri en áttatíu milljónir Nígeríumanna búa við fátækt. Algengt er að kirkjur haldi góðgerðamarkaði til aðstoðar þurfandi. Myndin er úr safni og tengist efni fréttarinnar ekki með beinum hætti.
Fleiri en áttatíu milljónir Nígeríumanna búa við fátækt. Algengt er að kirkjur haldi góðgerðamarkaði til aðstoðar þurfandi. Myndin er úr safni og tengist efni fréttarinnar ekki með beinum hætti. Vísir/EPA

Þrjátíu og einn maður lést í miklum troðningi á góðgerðamarkaði kirkju í sunnanverðri Nígeríu í dag. Markaðurinn átti að færa bágstöddum von.

AP-fréttastofan hefur eftir Grace Iringe-Koko, talskonu lögreglunnar í Rivers-ríki að mörg fórnarlambanna á markaðinum hafi komið þangað í leit að aðstoð. Slíkir markaðir eru sagðir algengir í Nígeríu þar sem fleiri en áttatíu milljónir manna búa undir fátæktarmörkum.

Opna átti markaðinn klukkan níu að morgni að staðartíma en Iringe-Koko segir að tugir manna hafi verið mættir klukkan fimm til þess að tryggja sér pláss framarlega í röðinni. Tókst fólkinu að brjótast inn um læst hlið og upphófst þá mikill troðningur sem kostaði fjölda mannslífa.

Auk þeirra látnu slösuðust sjö manns. Læknar og sjúkraliðar hlúðu að þeim undir beru loft við markaðinn. Viðburðurinn var stöðvaður á meðan lögreglan rannsakaði hvernig troðningurinn hófst.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.