Innlent

Önd varð fyrir bíl á Miklu­brautinni

Tryggvi Páll Tryggvason skrifar
Ein andafjölskylda er einum meðlimi færri eftir að endurnar gengu þvert yfir Miklubrautina í síðdegisumferðinni. Myndin tengist fréttinni ekki beint.
Ein andafjölskylda er einum meðlimi færri eftir að endurnar gengu þvert yfir Miklubrautina í síðdegisumferðinni. Myndin tengist fréttinni ekki beint. Vísir/Vilhelm

Miskunnsamur borgari reyndi sitt besta í dag til að koma í veg fyrir að andafjölskylda yrði síðdegisumferðinni á Miklubrautinni að bráð.

Þetta kemur fram í dagbók lögreglu þar sem tekið er fram að harmleikur hafi orðið á Miklubrautinni síðdegis, þegar andafjölskylda, strunsaði þvert yfir Miklubrautina.

„Miskunnsamur borgari reyndi sig við umferðarstjórnun á vettvangi, en þrátt fyrir bestu viðleitni varð ein andanna fyrir bifreið og lést,“ segir í færslu lögreglunnar.

Sérþjálfaður bifhjólaliði lögreglunnar var sendur á vettvang til að stjórna umferðinni, til að koma í veg fyrir að fleiri endur yrðu umferðinni að bráð.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.