Innlent

Íris heldur bæjar­stjóra­stólnum

Árni Sæberg skrifar
Málefnasamningur var undirritaður í Eldheimum í morgun.
Málefnasamningur var undirritaður í Eldheimum í morgun. Aðsend

Eyjalist­inn og Fyr­ir Heima­ey undirrituðu samkomulag um meirihlutasamstarf í Vestmannaeyjum í morgun. Íris Róbertsdóttir verður áfram bæjarstjóri og Páll Magnússon verður forseti bæjarstjórnar.

Málefnasamningur milli listanna var undirritaður í Eldheimum í morgun.

„Fjölskyldu- og fræðslumál verða áfram í forgangi; samhliða ábyrgum rekstri og fjárfestingu í innviðum samfélagsins. Sömuleiðis verður lögð áhersla á að veita bæjarbúum framúrskarandi þjónustu,“ segir í fréttatilkynningu frá nýjum meirihluta.

Íris Róbertsdóttir, sem skipaði þriðja sæti á lista Fyrir Heimaey, mun verma bæjarstjórastólinn í fjögur ár í viðbót en hún tók við sem bæjarstjóri árið 2018.

Oddviti Fyrir Heimaey, Páll Magnússon verður forseti bæjarstjórnar. Njáll Ragnarsson, oddviti Eyjalistans, verður formaður bæjarráðs.

Flokkarnir tveir mynduðu meirihluta á síðasta kjörtímabili og héldu velli með fimm fulltrúa af níu.

Tengd skjöl



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.