Slitnar upp úr viðræðum á Skaganum

Atli Ísleifsson skrifar 20. maí 2022 09:00

Oddvitar allra lista sem fram buðu á Akranesi voru sammála um það fyrir kosningar að leitast yrði eftir að fá Sævar Freyr Þráinsson til að gegna áfram stöðu bæjarstjóra. Vísir/Vilhelm

Meirihlutaviðræður Framsóknarflokksins og Samfylkingarinnar á Akranesi hafa siglt í strand.

RÚV segir frá þessu en flokkarnir mynduðu saman meirihluta á nýliðnu kjörtímabili og hafa átt í viðræðum síðustu daga um hvort grundvöllur væri fyrir áframhaldandi samstarf.

Þeir þrír flokkar sem buðu fram í sveitarstjórnarkosningunum á laugardag – Framsókn, Sjálfstæðisflokkur og Samfylkingin – fengu allir þrjá fulltrúa kjörna í kosningunum. Bætti Framsókn þar við sig manni og missti Sjálfstæðisflokkurinn einn.

Oddvitar Framsóknar og Sjálfstæðisflokks segja að til tíðinda muni draga síðar í dag þó að ekki liggi fyrir hvort að von sé á viðræðum um meirihlutasamstarf milli Framsóknar og Sjálfstæðisflokks eða Samfylkingarinnar og Sjálfstæðisflokks.

Oddvitar allra lista sem fram buðu á Akranesi voru sammála um það fyrir kosningar að leitast yrði eftir að fá Sævar Freyr Þráinsson til að gegna áfram stöðu bæjarstjóra.

Sveitarstjórnarkosningar 2022 Akranes Framsóknarflokkurinn Samfylkingin Sjálfstæðisflokkurinn

Tengdar fréttir

Lokatölur á Akranesi: Framsókn stal manni frá Sjálfstæðisflokknum

Framsóknarflokkurinn bætti við sig einum manni í bæjarstjórn á Akranesi í sveitarstjórnarkosningunum. Samfylkingin og Framsókn eru í meirihluta og halda honum örugglega.

15. maí 2022 00:30

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.