Veiði

Silungurinn er að taka rykmýs lifrur núna

Karl Lúðvíksson skrifar
Fluga sem hermir eftir rykmýi í yfirborði vatns
Fluga sem hermir eftir rykmýi í yfirborði vatns

Á fallegum degi þegar það hreyfir lítið vind eru veiðimenn að sjá silunginn í vötnunum taka flugur í yfirborðinu en hvað er hann að taka?

Eitt af því sem skiptir höfuðmáli í árangri í veiði er að þekkja lífríkið og vita hvaða æti fiskurinn tekur. Það sem er mest áberandi núna er rykmýið og þeir sem eru farnir að leggja leið sína upp á Elliðavatn, Vífilsstaðavatn, Úlfljótsvatn og Þingvallavatn ættu að vera varir við rykmýið.

Þegar rykmýið lyftir sér upp af botninum í átt að yfirborði vatnsins spyrnir lirfan sér upp í litlum stuttum rykkjum. Ef þú ert með flugu sem líkir vel eftir lirfunni á því stigi er einmitt rétta leiðin til að egna fisk í að taka fluguna að draga hana inn löturhægt og skipta svo yfir í mjög lítil stutt stripp inn á milli.

Þegar lirfan nær í yfirborðið ýtir hún vængskelinni út úr lirfunni og verður þá það sem er kallað "emerger" á ensku. Þarna er lirfan auðveldasta bráðin fyrir silunginn svo ef þú sérð mikið af yfirborðstökum ættir þú að fara strax í þannig flugur. það er misjafnt hvaða litur á henni veiðir vel í hvaða vatni en sem dæmi í Elliðavatni hefur reynst vel að hana hana frekar brúnleita og stærðin best í 14-16#. Passaðu samt að hafa tauminn eina og hálfa stangarlengd og tökuvari er ekkert vitlaus en ekki nauðsyn.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.